නල්ලතන්නිය පොලිස් වසමට අයත් ලක්ෂපාන වතුයායේ වතු නිවාස පේළියක් මතට විශාල කොහොඹ ගසක් කඩා වැටීමෙන් වතු නිවාස කිහිපයකට දැඩි හානි සිදුව තිබේ.
අද අලුයම 2 ට පමණ හමා ගිය තද සුළං හේතුවෙන් ගස කඩා වැටී ඇතැයි අප වාර්තාකරු පැවසීය.
නිවාස ආසන්නයේ පිහිටි කොහොඹ ගස නිවාස පේළිය මතට කඩා වැටී ඇති අතර, අනතුරින් කිසිවෙකුටත් තුවාල සිදුව නොමැති බව නල්ලතන්නිය පොලීසිය කියා සිටියේය.
වතු නිවාස පේළිය මතට කඩා වැටුණු කොහොඹ ගස නල්ලතන්නිය පොලීසියේ නිලධාරින්, යුද හමුදා භට පිරිස් සහ වතු කම්කරුවන් එක්ව කපා ඉවත් කර තිබේ.
