කොළඹ රාජකීය විද්යාලයේ 15 හැවිරිදි සිසුවෙකු ඊයේ පෙරවරුවේ පාසල් භූමියේ තෙමහල් ගොඩනැගිල්ලකින් වැටී බරපතල තුවාල ලබා ඇති බව පොලීසිය පවසයි.
පෙරවරු 7.15 ට පමණ මෙම සිද්ධිය සිදුව ඇති බව පොලිසිය පවසයි. හෝකන්දර ප්රදේශයේ පදිංචි මෙම සිසුවා ගොඩනැගිල්ලේ ඉහළ මහලේ වසා තිබූ පන්ති කාමරයකට ජනේලයකින් ඇතුළු වීමට උත්සාහ කර ඇති බව වාර්තා වේ.
කොළඹ රාජකීය විද්යාලය සහ ගල්කිස්ස S. තෝමස් විද්යාලය අතර වාර්ෂික මහා ක්රිකට් තරඟාවලියට අදාළව සංවිධානය කර තිබූ රථ පෙළපාලියකට එක්වීමට සිසුන් රැසක් පිටත්ව යාම හේතුවෙන් එම අවස්ථාවේ පන්ති කාමරය වසා දමා තිබූ බව මූලික පරීක්ෂණවලදී අනාවරණ වී තිබෙනවා.
පාසල් බෑගය උරහිසේ තබාගෙන පන්ති කාමරයට නැගීමට උත්සාහ කළ සිසුවා එක්වරම ලිස්සා ගොස් බිම ඇදවැටී ඇති බව පොලිසිය සඳහන් කළේය. සිද්ධිය අතරතුර ඔහු සමඟ ඉහළ මහල අසල පිහිටි ගසක අත්තක් කඩා වැටී වැටී තිබූ බවද පොලිසිය සොයාගෙන ඇත.
තුවාල ලැබූ සිසුවා වහාම කොළඹ ජාතික රෝහලට ඇතුළත් කර ඇති අතර මේ වන විට එම රෝහලේ දැඩි සත්කාර ඒකකයේ ප්රතිකාර ලබමින් සිටියි.
