නාවික හමුදා මෙහෙයුමකින් හෙරොයින් කිලෝග්‍රෑම් 320 කට අධික ප්‍රමාණයක් අත්අඩංගුවට
ශ්‍රී ලංකා නාවික හමුදාව විසින් බහුදින ධීවර යාත්‍රාවකින් කිලෝග්‍රෑම් 320 කට වඩා බරින් යුත් හෙරොයින් පාර්සල් 298 ක් සොයාගෙන ඇති අතර, එය අත්අඩංගුවට ගෙන වැඩිදුර පරීක්ෂාව සඳහා දික්ඕවිට ධීවර වරායට ගෙන යන ලදී.
නාවික හමුදා මාධ්‍ය ප්‍රකාශක කමාන්ඩර් බුද්ධික සම්පත් මහතාට අනුව, අත්අඩංගුවට ගත් මත්ද්‍රව්‍යවල වීදි වටිනාකම රුපියල් බිලියන 6 කට ආසන්න බවට ගණන් බලා තිබේ.
