අවම ගාස්තු යටතේ සේවා සලසන ලොව ප්රමුඛතම ගුවන් සේවා සමාගමක් වන Airasia ගුවන් සමාගම මත්තල ගුවන් තොටුපළ වෙත සිය ගුවන් ගමන් මුල් වරට ආරම්භ කර තිබේ. ඊයේ (09) දහවල් 1.30 ට ගාල්ල වරායේ නැංගුරම් ලා ඇති නැවක සේවය කිරීමට පිලිපීන ජාතික මුහුදු නාවිකයන් 11 දෙනෙකු රැගෙන පිලිපීනයේ මැනිලා නුවර සිට මෙම ගුවන් යානය මත්තල ගුවන් තොටුපළ වෙත පැමිණ තිබේ.
අනතුරුව එම ගුවන් යානය ගාල්ල වරායේ සේවය නිමා කළ තවත් පිලිපීන ජාතික මුහුදු නාවිකයන් 14 දෙනෙකුද රැගෙන අද (10) දින පිලිපීනයේ මැනිලා නුවර බලා මත්තල ගුවන් තොටුපළෙන් පිටත්ව යෑමට නියමිතව තිබේ.