සෙනසුරාදා (25) බෙල්ලන්විල ප්රදේශයේ සිදුවූ වෙඩි තැබීමකින් තුවාල ලැබූ 55 හැවිරිදි ආපනශාලා හිමිකරුවෙකු රෝහල්ගත කිරීමෙන් අනතුරුව මියගොස් ඇති බව පොලීසිය පවසයි.
වෙඩි තැබීම රාත්රී 7.45ට පමණ දෙහිවල–බොරලැස්ගමුව මාර්ගයේ බෙල්ලන්විල ඇවිදින මංතීරුවේ පිවිසුම ආසන්නයේදී සිදුව තිබේ.
පොලීසිය සඳහන් කළේ යතුරුපැදියකින් පැමිණි පුද්ගලයන් දෙදෙනෙකු සිය ආපනශාලාව ඉදිරිපිට සිටි එම හිමිකරුවාට වෙඩි තබා පලා ගොස් ඇති බවයි.
වෙඩි ප්රහාරයෙන් තුවාල ලැබූ පුද්ගලයා කොළඹ දකුණු ශික්ෂණ රෝහලට ඇතුළත් කළද, පසුව තුවාල හේතුවෙන් මියගොස් ඇත.
සිද්ධිය සම්බන්ධයෙන් බොරලැස්ගමුව පොලීසිය, ගල්කිස්ස කොට්ඨාස අපරාධ විමර්ශන ඒකකය සහ තවත් විමර්ශන කණ්ඩායම් කිහිපයක් පරීක්ෂණ ආරම්භ කර තිබේ.
වෙඩි තැබීමට සම්බන්ධ සැකකරුවන් හඳුනාගෙන අත්අඩංගුවට ගැනීමට පොලීසිය විමර්ශන සිදුකරමින් පවතී.
