ජාතික ක්‍රීඩා සභාවේ නව සාමාජිකයින් පත්කෙරේ, සභාපති ධුරයට මහේලට

Share this Article

ජාතික ක්‍රීඩා සභාවේ සභාපතිවරයා ලෙස සුපිරි ක්‍රිකට් ක්‍රීඩක, ශ්‍රී ලංකා ක්‍රිකට් කණ්ඩායමේ හිටපු නායක මහේල ජයවර්ධන මහතා පත් කර තිබේ. ඊයේ (20) දිනයේ ක්‍රීඩා අමාත්‍ය නාමල් රාජපක්ෂ මහතාගේ ප්‍රධානත්වයෙන් ජාතික ක්‍රීඩා සභාවේ නව සාමාජිකයින්ට පත්වීම් ලිපි ප්‍රදානය කර ඇත.

01.හිටපු නායක මහේල ජයවර්ධන මහතා – සභාපති
02.හිටපු ක්‍රිකට් නායක කුමාර් සංගක්කාර මහතා – කමිටු සාමාජික
03.යුද හමුදාපති ලුතිතන් ජෙනරාල් ශවේන්ද්‍ර සිල්වා මහතා – කමිටු සාමාජික
04.රෝවේනා සමරසිංහ මිය – කමිටු සාමාජික
05.සංජීව වික්‍රමනායක මහතා – කමිටු සාමාජික
06.ජුලියන් බෝලිං මහතා – කමිටු සාමාජික
07.යශ්වන්ත් මුතුතෙට්ටුවගම මහතා – කමිටු සාමාජික
08.සුපුන් වීරසිංහ මහතා – කමිටු සාමාජික
09.කස්තුරි විල්සන් මිය – කමිටු සාමාජික
10.රුවන් කෑරගල මහතා – කමිටු සාමාජික
11.රාජිත අම්පෙමොහොට්ටි මහතා – කමිටු සාමාජික
12.රොහාන් ප්‍රනාන්දු මහතා – කමිටු සාමාජික
13.මෝටර් රථ ධාවන ශුර ඩිලන්ත මාලගමුව මහතා – කමිටු සාමාජික
14.අමල් එදිරිසූරිය මහතා – කමිටු සාමාජික

අභිනව ජාතික ක්‍රීඩා සභාවේ මූලික කාර්යභාරය වන්නේ ක්‍රීඩාවේ දියුණුව, එහි ප්‍රතිපත්ති සහ ජාතියේ ක්‍රීඩා ප්‍රමිතිය මෙන්ම ඒ ආශ්‍රිත යටිතල පහසුකම් නගාසිටුවිය හැකි ආකාරය පිළිබඳව අමාත්‍යවරයාට උපදෙස් දීමවේ.

ක්‍රීඩා අමාත්‍යවරයාගේ නියමය අනුව නව ක්‍රීඩා පනතක් සහ ජාතික ක්‍රීඩා ප්‍රතිපත්තියක් සැකසීමට අවශ්‍ය මූලික කටයුතු සම්පාදනය කිරීම, ඉලක්කගත ජයග්‍රහණ සඳහා සැලසුම් සකස් කිරීම, ක්‍රීඩකයින් වෘත්තිමය තත්ත්වයකට නංවාලීම උදෙසා යටිතල පහසුකම් සංවර්ධනය කිරීම, ජාතික සංචිත තේරීමේදී අමාත්‍යවරයා වෙත අවශ්‍ය නිර්දේශ ඉදිරිපත් කිරීම, පාසල් ක්‍රීඩා සහ අධ්‍යාපන අමාත්‍යංශය හා එක්ව පාසල් ක්‍රීඩා නැංවීමේ සැලැස්මක් සකස් කිරීම, ක්‍රීඩාවේ පාරිශුද්ධභාවය සහ විනිවිදභාවය සුරැකෙන ආකාරයෙන් කටයුතු කිරීමට අවශ්‍ය වටපිටාවක් නිර්මාණය කිරීම, නව ප්‍රවණතාවන් හා ඊ-ස්පෝර්ට්ස් වැනි නව අංශ හරහා ක්‍රීඩා ආර්ථිකයක් ගොඩනැගීමට කටයුතු සම්පාදනය කිරීම යන කරුණු මූලික කරගත් විශේෂ වැඩසටහන් සඳහා මඟ පෙන්වීම ද ක්‍රීඩා සභාවේ වගකීම් අතර වේ.

වඩාත් ශක්තිමත් කාර්යශූර, ශ්‍රී ලංකාවට වඩාත් ඵලදායී ප්‍රතිඵල හා ජයග්‍රහණයන් අත්කරදීම උදෙසා ක්‍රියාකාරී බලතල සහිත ජාතික ක්‍රීඩා සභාවක් ලෙස නව ක්‍රීඩා සභාවට කටයුතු කළ හැකි බව අමාත්‍ය නාමල් රාජපක්ෂ එහිදී පෙන්වා දී තිබේ.


Share this Article

Leave a Reply

Your email address will not be published.