ලලිත් රත්නායක මහතා අධ්යක්ෂණය කළ ‘Riverstone’ චිත්රපටය 99 වැනි ඇකඩමි සම්මාන උළෙලේ ජාත්යන්තර විශේෂාංග චිත්රපට කාණ්ඩය සඳහා ශ්රී ලංකාවේ නිල නියෝජනය ලෙස තෝරාගෙන තිබේ.
ජාතික චිත්රපට සංස්ථාවේ සභාපති සහ ශ්රී ලංකාවේ ජාතික ඔස්කාර් තේරීම් කමිටුවේ සභාපති සුදත් මහදිවුල්වැව මහතා අද පැවති මාධ්ය හමුවකදී මේ බව නිවේදනය කළේය.
අලුතින් නියාමනය කළ ක්රියාවලියක් යටතේ මෙම තේරීම සිදුකර ඇති බව මහදිවුල්වැව මහතා පැවසීය. ඒ අනුව, චිත්රපටය තෝරා ගැනීමේදී ජාතික තේරීම් කමිටුවේ අනුමැතිය මෙන්ම එම කමිටු සාමාජිකයන්ගේ වෘත්තීය සුදුසුකම්ද සලකා බැලීම ඇකඩමියේ අවශ්යතා අතරට ඇතුළත් වී තිබේ.
“මෙවැනි ක්රමවේදයක් යටතේ තෝරාගත් චිත්රපටයක් ශ්රී ලංකාව නියෝජනය කරන පළමු අවස්ථාව මෙයයි,” යනුවෙන් ඔහු සඳහන් කළේය.
ශ්රී ලංකාවේ ජාතික ඔස්කාර් තේරීම් කමිටුවට ප්රවීණ සිනමාකරුවන් වන අශෝක හඳගම, රවීන්ද්ර ගුරුගේ, අනෝමා රාජකරුණා සහ විසාකේස චන්ද්රසේකරම්, චිත්රපට විචාරක අරුණ ගුණරත්න, සංගීතවේදී ලක්ෂ්මන් ජෝසප් ද සේරම් සහ චිත්රපට උළෙල සම්බන්ධීකාරක උදිත් ලක්මාල් කහන්දවාආරච්චි යන මහත්වරු ඇතුළත් වූහ.
මෙහිදී චිත්රපට හයක් කමිටුවේ සලකා බැලීමට ලක්ව ඇති අතර, ඒ අතර සිංහල භාෂා චිත්රපට පහක් සහ දෙමළ භාෂා චිත්රපටයක් ඇතුළත් විය.
එම චිත්රපට වන්නේ,
- Vihanga Premaya (Peacock Lament), නිෂ්පාදනය සහ අධ්යක්ෂණය සංජීව පුෂ්පකුමාර.
- Ayu, අධ්යක්ෂණය චත්ර වීරමන්, නිෂ්පාදනය යසස් රත්නායක.
- Father, නිෂ්පාදනය ශාන්ත ගීතදේව, අධ්යක්ෂණය චමින්ද ජයසූරිය.
- Anthony, නිෂ්පාදනය රමදාස් සුගන්තිනි සහ රමදාස් සත්යරාජ්, අධ්යක්ෂණය සුකීර්තන් ක්රිස්තුරාජා සහ ජෙනෝසන් රාජේස්වර.
- Riverstone, නිෂ්පාදනය ප්රභාත් රොෂාන් සහ නිමන්ති පෝරගේ, අධ්යක්ෂණය ලලිත් රත්නායක.
- Cricket Sadu, අධ්යක්ෂණය දිල්ෂාර ජයමන්න, නිෂ්පාදනය රසිත ජිනසේන.
මෙම චිත්රපට හයෙන් හතරක් ඇකඩමියේ නීති යටතේ අදාළ සුදුසුකම් සපුරා ඇති බව තේරීම් කමිටුව සඳහන් කළේය.
ඉන් අනතුරුව ‘Riverstone’ සහ ‘Father’ අවසන් තරගකරුවන් දෙදෙනා ලෙස තෝරාගෙන ඇති අතර, අවසානයේ 99 වැනි ඇකඩමි සම්මාන උළෙලේ ජාත්යන්තර විශේෂාංග චිත්රපට කාණ්ඩය සඳහා ශ්රී ලංකාවේ නිල ඉදිරිපත් කිරීම ලෙස ‘Riverstone’ තෝරාගෙන තිබේ.
