2026 වසරේ පළමු පාසල් වාරයේ පළමු අදියර ඊයේ (13) අවසන් වූ බව අධ්යාපන අමාත්යාංශය නිවේදනය කළේය.
රජයේ සහ රජයේ අනුමත පාසල් සියල්ල ඊයේ සිට මාර්තු 2 දක්වා වාර නිවාඩුව සඳහා වසා දමන බව අමාත්යාංශය නිවේදනය කළේය. පළමු වාරයේ දෙවන අදියර මාර්තු 3 වන දින ආරම්භ වී අප්රේල් 10 දක්වා පවතිනු ඇත.
මේ අතර, 2025 වසරේ අධ්යාපන පොදු සහතික පත්ර (අ.පො.ස.) සාමාන්ය පෙළ විභාගය පෙබරවාරි 17 වන දින ආරම්භ වීමට නියමිතය. විභාගය පෙබරවාරි 17 සිට පෙබරවාරි 26 දක්වා පැවැත්වෙන බව විභාග දෙපාර්තමේන්තුව පැවසීය.
දිවයින පුරා විභාග මධ්යස්ථාන 3,545 කදී විභාගය පැවැත්වීමට කටයුතු යොදා ඇත. ඊට අමතරව, පෙබරවාරි 11 වන දින මධ්යම රාත්රියේ සිට විභාගයට අදාළ සියලුම උපකාරක පන්ති, සම්මන්ත්රණ සහ වැඩමුළු තහනම් කිරීමට බලධාරීන් පියවර ගෙන තිබේ.
