නව අධිවේගී මාර්ග ව්යාපෘති කිහිපයක ඉදිකිරීම් මෙම වසර අවසන් වීමට පෙර ආරම්භ කිරීමට නියමිත බව ප්රවාහන හා මහාමාර්ග අමාත්ය බිමල් රත්නායක මහතා අඟහරුවාදා (08) පාර්ලිමේන්තුවේදී ප්රකාශ කළේය.
ඒ අනුව කුරුණෑගල, දඹුල්ල අධිවේගී මාර්ගයේ කුරුණෑගල සිට ගලේවෙල දක්වා කොටසේ ඉදිකිරීම් 2026 නොවැම්බර් සහ දෙසැම්බර් අතර කාලයේදී ආරම්භ කිරීමට නියමිත බව අමාත්යවරයා සඳහන් කළේය.
මීට අමතරව කහතුඩුව, ඉංගිරිය අධිවේගී මාර්ගයේ ඉදිකිරීම්ද මෙම වසර අවසානයේදී ආරම්භ කිරීමට සැලසුම් කර ඇති බව ඔහු පැවසීය.
යෝජිත කටුනායක, හලාවත අධිවේගී මාර්ගය සඳහා සැලසුම් සකස් කරන ලෙස ජනාධිපති අනුර කුමාර දිසානායක මහතා නිලධාරීන්ට උපදෙස් ලබාදී ඇති බවද අමාත්යවරයා සඳහන් කළේය.
එමෙන්ම අනුරාධපුරය කේන්ද්ර කරගනිමින් අධිවේගී මාර්ග පද්ධතියක් ඉදිකිරීම සම්බන්ධයෙන් අධ්යයනයක් සිදුකිරීම සඳහා වෙනම යෝජනාවක්ද ඉදිරිපත් කර ඇති බව බිමල් රත්නායක මහතා පැවසීය.
දැනට ක්රියාත්මක අධිවේගී මාර්ග ව්යාපෘති සම්බන්ධයෙන්ද කරුණු දැක්වූ අමාත්යවරයා, කඩවත, මීරිගම අධිවේගී මාර්ගය 2028 මැයි මාසය වනවිට අවසන් කිරීමට අපේක්ෂා කරන බව සඳහන් කළේය.
එමෙන්ම පොතුහැර, රඹුක්කන කොටසේ ඉදිකිරීම් 2027 අප්රේල් මාසය වනවිට අවසන් කිරීමට නියමිත බවද අමාත්යවරයා වැඩිදුරටත් ප්රකාශ කළේය.
