පොලිස් ඇඳිරි නීතිය පැනවීමත් සමග බස්නාහිර පළාතේ තාවකාලික නවාතැන්පොළවල සිරවී සිටින පුද්ගලයින් නැවත ඔවුන්ගේ ගම්බිම් බලා ප්රවාහනයට විශේෂ වැඩපිළිවෙළක් ආරම්භ කර ඇති බවත් ඒ පිළිබඳව බස්නාහිර පළාත භාර නියෝජ්ය පොලිස්පතිවරයාට උපදෙස් ලබාදුන් බවත් බස්නාහිර පළාත් ආණ්ඩුකාර මාෂල් ඔෆ් ද ෆ්ලීට් රොෂාන් ගුණතිලක මහතා සඳහන් කරයි. යි.
නැවත ගම්බිම් කරා යාමට පහසුකම් නොමැතිවීම හේතුවෙන් මෙම පිරිස් දැඩි පීඩාවට පත්ව සිටින බවට අනාවරණ වූ බවද ආණ්ඩුකාරවරයා වැඩිදුරටත් ප්රකාශ කළේය. ඒ අනුව නිසි ක්රමවේද භාවිත කරමින් කඩිනමින් ඔවුන් ගම්බිම් බලා ප්රවාහනය කරනු ඇති.
එමෙන්ම තමන් එලෙස පීඩාවට පත්ව සිටී නම් ඒ පිළිබඳව ළඟම ඇති පොලීසිය දැනුවත් කරන ලෙස ද ආණ්ඩුකාරවරයා එම පුද්ගලයින්ට දැනුම් දෙයි.