ශ්රී ලංකා සිවිල් ගුවන් සේවා අධිකාරිය (CAASL) එහි නියාමන සහ පරිපාලන නායකත්වය ශක්තිමත් කරමින් දීර්ඝ කාලයක් පුරා පුරප්පාඩු වී තිබූ ප්රධාන තනතුරු කිහිපයක් පුරවා ඇත.
ශ්රී ලංකා සිවිල් ගුවන් සේවා අධිකාරියේ සභාපති සුනිල් ජයරත්න මහතාගේ සහ සිවිල් ගුවන් සේවා අධ්යක්ෂ ජනරාල් සහ ප්රධාන විධායක නිලධාරී කපිතාන් දමින්ද රඹුක්වැල්ල මහතාගේ ප්රධානත්වයෙන් 2026 පෙබරවාරි 26 වැනි දින ශ්රී ලංකා සිවිල් ගුවන් සේවා අධිකාරියේ සභාපති කාර්යාලයේදී පත්වීම් ලිපි ප්රදානය කරන ලදී.
අලුතින් පත් කරන ලද නිලධාරීන් නියෝජ්ය අධ්යක්ෂ ජනරාල් (ගුවන් ගමන් ආරක්ෂණ නියාමනය), නියෝජ්ය අධ්යක්ෂ ජනරාල් (ආයතනික කළමනාකරණය), අධ්යක්ෂ (ගුවන් සේවා ආරක්ෂාව) සහ ජ්යෙෂ්ඨ සිවිල් ගුවන් සේවා පරීක්ෂක (ගුවන් යානා මෙහෙයුම්) යන තනතුරුවල වැඩ භාර ගනී.
වරාය සහ සිවිල් ගුවන් සේවා අමාත්යාංශය යටතේ ක්රියාත්මක වන රටේ සිවිල් ගුවන් සේවා නියාමකයා වන ශ්රී ලංකා සිවිල් ගුවන් සේවා අධිකාරිය ප්රකාශ කළේ සුදුසුකම් ලත් සම්මුඛ පරීක්ෂණ මණ්ඩලයක් හරහා රජය විසින් අනුමත කරන ලද බඳවා ගැනීමේ ක්රමයට (SOR) අනුව බඳවා ගැනීමේ ක්රියාවලිය සිදු කළ බවයි.
වරාය හා සිවිල් ගුවන් සේවා අමාත්ය අනුර කරුණාතිලක මහතාගේ උපදෙස් පරිදි නියෝජ්ය අමාත්ය ඉංජී. ජනිත රුවන් කොඩිතුවක්කු, අමාත්යාංශයේ ලේකම් ඩබ්ලිව්.ඩබ්ලිව්.එස්.මංගල යන මහත්වරුද සහභාගි වූහ.
මෙම තනතුරු පිරවීමෙන් ශ්රී ලංකාවේ සිවිල් ගුවන් සේවා අංශය තුළ නියාමන අධීක්ෂණය, ගුවන් සේවා ආරක්ෂාව සහ ආයතනික පාලනය ඉහළ නැංවීමට අපේක්ෂා කරන බව අධිකාරිය සඳහන් කළේය.
