ග්‍රාමීය ප්‍රදේශවල ජනතාව මගීන් ප්‍රවාහනය කිරීමේදී ත්‍රිරෝද රථවලින් මංකොල්ලකෑමට ලක්වන බවත්, එබැවින් තනි දොර බස් රථ යෙදවිය යුතු බවත් ලංකා පෞද්ගලික බස් හිමියන්ගේ සංගමය කියා සිටියා.
“තව තනි දොර බස් රථ අවශ්‍යයි. ත්‍රිරෝද රථ කෙටි දුර ගමන් සඳහා මගීන්ගෙන් වැඩි මුදලක් අය කරනවා.
“ඒ නිසා ග්‍රාමීය ප්‍රදේශවල මාර්ගවල තනි දොර බස් රථ පැවරීමට අපට අවස්ථාව තිබෙනවා.එවැනි බස් රථ පැවරීම සඳහා ප්‍රවාහන අමාත්‍යාංශ ලේකම්වරයා සමඟ දීර්ඝ සාකච්ඡාවක් පැවැත්වුණා.
“ග්‍රාමීය ප්‍රදේශවල ජනතාවට වැඩි ගාස්තු නොගෙවා රෝහල්වලට යාමට පවා නොහැකි වී ඇති බවට අපට පැමිණිලි ලැබෙනවා.
“ඒ නිසා අපි ප්‍රවාහන අමාත්‍යාංශයෙන් ඉල්ලා සිටියා කුඩා බස් රථ ගෙන්වීමට අවම වශයෙන් ආසන 10ක්වත් ගෙන්වීමට අවසර ලබාදෙන ලෙසයි” ගැමුණු විජේරත්න කියා සිටියේ.
