ඉන්දීය විපක්ෂ නායක රාහුල් ගාන්ධි මහතා අඟහරුවාදා පොලිස් අත්අඩංගුවට පත්විය. ඒ, අග්රාමාත්ය නරේන්ද්ර මෝදි මහතාගේ නිවස ඉදිරිපිට පැවති විරෝධතා ව්යාපාරයකට එක්ව සිටියදීය. මේ අතර, අධ්යාපන ප්රතිසංස්කරණ සහ රජයේ වගකීම් වැඩි කිරීම ඉල්ලා සිසුන් විසින් මෙහෙයවන “කොක්රෝච්” (Cockroach) විරෝධතා දැඩි මර්දන ක්රියාමාර්ග මධ්යයේ වුවද තවදුරටත් වර්ධනය වෙමින් පවතී.
විරෝධතාකරුවන්ට එරෙහි පොලිස් ක්රියාමාර්ග හෙළා දකිමින් රාහුල් ගාන්ධි මහතා සහ තවත් විපක්ෂ නායකයන් කිහිපදෙනෙකු මෙම විරෝධතාව සංවිධානය කර තිබුණි.
අත්අඩංගුවට ගැනීමට පෙර ගාන්ධි මහතා ප්රකාශ කළේ, විරෝධතා පාලනය කළ ආකාරය සම්බන්ධයෙන් අග්රාමාත්ය නරේන්ද්ර මෝදි, ස්වදේශ කටයුතු අමාත්ය අමිත් ෂා සහ අධ්යාපන අමාත්ය ධර්මේන්ද්ර ප්රධාන් යන මහත්වරුන් සිය ධුරවලින් ඉල්ලා අස්විය යුතු බවයි.
පොලිසිය විසින් රාහුල් ගාන්ධි මහතා සහ අත්අඩංගුවට ගත් අනෙකුත් විපක්ෂ නායකයන් ආසන්න පොලිස් ස්ථානයකට රැගෙන ගොස් ඇත. ඔහුගේ සහෝදරිය වන ප්රියංකා ගාන්ධි ඇතුළු කොංග්රස් පක්ෂ සාමාජිකයන් කිහිපදෙනෙකුද අත්අඩංගුවට ගෙන තිබේ.
සමාජ මාධ්ය ඔස්සේ බෙදාගත් වීඩියෝ දර්ශනවලින් පෙනී යන්නේ, පොලිස් නිලධාරීන් විසින් ගාන්ධි මහතා බලහත්කාරයෙන් ඉවත් කරගෙන යන ආකාරයයි. පසුව පළ වූ සටහන්වල සඳහන් වූයේ අත්අඩංගුවට ගැනීමේදී ඔහුට තුවාල සිදුව ඇති බවයි.
නවදිල්ලියේදී මෙම විරෝධතා දෙවන දිනයටත් පැවැත්වුණු අතර, දැඩි පොලිස් ආරක්ෂාව මධ්යයේ දහස් ගණනක් ජනතාව ජන්තර් මන්තර් ප්රදේශයට රැස්ව සිටියහ.
ඉන්දියාවේ විභාග පද්ධතියේ පවතින බව කියන අසාර්ථකතා සම්බන්ධයෙන් අධ්යාපන අමාත්යවරයා ඉල්ලා අස්වන තුරු විරෝධතා අඛණ්ඩව පවත්වාගෙන යන බව විරෝධතාකරුවෝ ප්රකාශ කළහ.
පාර්ලිමේන්තුව දෙසට ගමන් කළ විරෝධතාකරුවන් විසුරුවා හැරීම සඳහා පොලිසිය කඳුළු ගෑස් සහ බැටන් ප්රහාර භාවිත කළ බවත්, එහිදී සඳුදා ඇති වූ ගැටුම්වලින් පුද්ගලයන් 180කට ආසන්න පිරිසක් තුවාල ලබා ඇති බවත් පොලිසිය පැවසීය.
තුවාල ලැබූවන් අතර ආරක්ෂක අංශ සාමාජිකයන් 118 දෙනෙකු සහ විරෝධතාකරුවන් 60 දෙනෙකු සිටින බවද වාර්තා විය.
යොවුන් පරපුර විසින් ආරම්භ කළ මෙම ව්යාපාරය මේ වන විට වෘත්තිකයන් සහ පවුල් ද ඇතුළත් කරගනිමින් පුළුල් වී ඇති අතර, එය මෑත වසරවලදී මෝදි රජයට එල්ල වූ විශාලතම මහජන අභියෝගවලින් එකක් බවට පත්වෙමින් තිබේ.
