රාජ්ය හා පෞද්ගලික අංශයේ හවුල්කාරීත්වය යටතේ දිවයින පුරා දුම්රිය ස්ථාන 100ක් සංවර්ධනය කිරීමේ වැඩසටහන යටතේ පොළොන්නරුව දිස්ත්රික්කයේ හඟුරන්කොඩ දුම්රිය ස්ථානයේ ප්රතිසංස්කරණ කටයුතු ආරම්භ කර තිබේ.
“ක්ලීන් ශ්රී ලංකා” වැඩසටහන යටතේ ක්රියාත්මක මෙම ව්යාපෘතිය ප්රවාහන, මහාමාර්ග සහ නාගරික සංවර්ධන අමාත්ය බිමල් රත්නායක මහතාගේ ප්රධානත්වයෙන් සැප්තැම්බර් 3 වැනිදා නිල වශයෙන් ආරම්භ කළ අතර, රාජ්ය හා පෞද්ගලික අංශයේ නියෝජිතයන් පිරිසක්ද එම අවස්ථාවට එක්ව සිටියහ.
මෙම වැඩසටහන යටතේ පොළොන්නරුව දිස්ත්රික්කයේ ප්රතිසංස්කරණය කෙරෙන දෙවැනි දුම්රිය ස්ථානය හඟුරන්කොඩ දුම්රිය ස්ථානය වන අතර, මීට පෙර කදුරුවෙල දුම්රිය ස්ථානයේ ප්රතිසංස්කරණ කටයුතු අවසන් කර තිබේ.
ගල්ඔය සහ පොළොන්නරුව අතර නැගෙනහිර දුම්රිය මාර්ගයේ පිහිටි හඟුරන්කොඩ දුම්රිය ස්ථානය වසර 45කට පමණ කාලයක් ප්රධාන සංවර්ධනයකට ලක්ව නොමැති බව සඳහන් වේ. මේ වන විට එහි පවතින්නේ සීමිත පහසුකම් පමණි.
මෙම දුම්රිය ස්ථානය ප්රදේශයේ මගී ප්රවාහනය සඳහා මෙන්ම කෘෂිකාර්මික නිෂ්පාදන ප්රවාහනය සඳහාද භාවිත කෙරේ.
ප්රතිසංස්කරණ ව්යාපෘතිය සඳහා රුපියල් මිලියන 40ක පමණ මුදලක් වැය වන අතර, එහි සම්පූර්ණ මූල්ය දායකත්වය CIC Holdings PLC ආයතනය විසින් ලබාදීමට නියමිතය.
මෙම ව්යාපෘතිය පොදු ප්රවාහන යටිතල පහසුකම් සහ සේවාවන් වැඩිදියුණු කිරීමේ පුළුල් වැඩපිළිවෙළක කොටසකි. ඒ යටතේ භෞතික පහසුකම් සංවර්ධනය කිරීම, නවීන තාක්ෂණය සහ ඩිජිටල්කරණය හඳුන්වාදීම මෙන්ම බස් සහ දුම්රිය සේවාවන් වැඩිදියුණු කිරීම කෙරෙහිද අවධානය යොමු කර තිබේ.
රාජ්ය හා පෞද්ගලික අංශයේ සහභාගීත්වයෙන් කෙටි, මධ්යම සහ දිගුකාලීන ප්රතිසංස්කරණ ක්රියාත්මක කරමින් ඒකාබද්ධ පොදු ප්රවාහන පද්ධතියක් ගොඩනැගීම මෙම පුළුල් වැඩසටහනේ අරමුණ බව රජය පවසයි.
