තමා ආණ්ඩුවක් පිහිටුවා පසු දිනයේම තෙල් මිල පහත හෙලීමට කටයුතු කරන බවත්, එතැන් සිට රට සමෘද්ධිමත් කිරීමට පියවර ගන්නා බවත් සජිත් ප්රේමදාස මහතා පවසයි. ඒ මහතා මේ බව පැවසූයේ ඊයේ (24) නාවලපිටියේ පැවැති ජන හමුවකදීය.
වැඩිදුරටත් අදහස් දැක්වූ ඒ මහතා මෙසේද පැවසීය.
“තෙල් මිල අඩු කළ විට බඩු මිල අඩු වෙනවා, ජීවන මිල අඩු වෙනවා, ප්රවාහන ගාස්තු අඩු වෙනවා, ආහාර මිල අඩු වෙනවා. ඒ අඩුවීමත් සමඟ ජනතාවගේ අතට වැඩිපුර මුදලක් ලැබෙනවා. ඒ මොකද ජනතාව පරිභෝජනය කරන විට ආයෝජනය කරන විට ඉතිරි කරන විට ආර්ථිකය උඩට යනවා. මෙවැනි ක්රමවේදයන් තුළින් අපි ආර්ථිකය ගොඩ නැගීමට කටයුතු කරනවා.”