ප්‍රමිතියෙන් බාල කාබනික පොහොර චීනයෙන් ආපසු හරවා යවා ඩොලර් මිලියන 6.7 ක මුදලක් සැපයුම්කරුට ගෙවීම සම්බන්ධයෙන් වංචාවක් සිදුවී ඇති බව පිළිගනිමින් කෘෂිකර්ම අමාත්‍ය මහින්ද අමරවීර මහතා ප්‍රකාශ කළේ ඊට සම්බන්ධ වී ඇත්තේ රාජ්‍ය නිලධාරීන් පිරිසක් පමණක් බවයි.
පාර්ලිමේන්තු මන්ත්‍රී දයාසිරි ජයසේකර මහතා පාර්ලිමේන්තුවේදී ඇසූ වාචික ප්‍රශ්නයකට පිළිතුරු දෙමින් අමාත්‍ය අමරවීර මහතා පැවසුවේ මෙම වංචාවට කිසිදු දේශපාලනඥයකු සම්බන්ධ නැති බවට මූලික වාර්තාවලින් හෙළි වී ඇති බවයි.
“විශ්‍රාමික විනිසුරුවරයෙකුගේ සභාපතිත්වයෙන් යුත් කොමිසමක් පත් කිරීමට මම තීරණය කර තිබෙනවා. අවසන් පත්කිරීම නුදුරේදීම සිදු කෙරෙන අතර කොමිසමට කඩිනමින් පරීක්ෂණ ආරම්භ කිරීමට හැකිවනු ඇති බවද අමාත්‍යවරයා පැවසීය.
තොගය ආපසු එවා තිබුණද සැපයුම් සමාගමට ඩොලර් මිලියන 6.7ක මුදලක් ගෙවා ඇති බව ඇමැතිවරයා පිළිගත්තේය.
