හිටපු ජනාධිපති මහින්ද රාජපක්ෂ මහතාගේ පුත් යෝෂිත රාජපක්ෂ මහතා ශ්‍රී ලංකා නාවික හමුදාවේ සේවය කළ කාලය තුළ වැටුප් වශයෙන් රුපියල් 5,150,626ක මුදලක් ලබාගෙන ඇති බව ඊයේ (15) කොළඹ මහාධිකරණයට දැනුම් දී තිබේ.
මුදල් විශුද්ධිකරණය වැළැක්වීමේ පනත යටතේ යෝෂිත රාජපක්ෂ මහතාට එරෙහිව ගොනු කර ඇති නඩුව විභාගයට ගත් අවස්ථාවේදී අධිකරණය හමුවේ සාක්ෂි ලබාදුන් නාවික හමුදා නිලධාරියකු විසින් මෙම තොරතුරු අනාවරණය කරනු ලැබීය.
සාක්ෂිකරු සඳහන් කර ඇත්තේ, එම මුදල යෝෂිත රාජපක්ෂ මහතා නාවික හමුදාවේ සේවය කළ කාලය තුළ ඔහුට ගෙවන ලද වැටුප්වල මුළු එකතුව බවයි. ඊට අමතර දීමනා ඇතුළත් නොවන බවද සාක්ෂිකරු අධිකරණයට දැනුම් දී තිබේ.
කොළඹ මහාධිකරණය හමුවේ විභාග වෙමින් පවතින මෙම නඩුවට අදාළ සාක්ෂි විමසීමේදී මෙම තොරතුරු ඉදිරිපත් කර ඇත.
නඩු විභාගය මේ වන විටත් පැවැත්වෙමින් පවතී.
