මෙම වසරේ පළමු මාස 10 තුළ ශ්රී ලංකාව සංචාරක කර්මාන්තයෙන් ඇමෙරිකානු ඩොලර් බිලියන 2.659 ක ආදායමක් උපයා ඇති බවත් එය පසුගිය වසරට සාපේක්ෂව සියයට 4.9 ක වර්ධනයක් බවත් මහ බැංකුවේ නවතම දත්ත වාර්තා පෙන්වා දුන්නේය.
පසුගිය වසරේ පළමු මාස 10දී සංචාරක කර්මාන්තයෙන් ඇමෙරිකානු ඩොලර් බිලියන 2.533 ක මුදලක් ශ්රී ලංකාව උපයා තිබිණි.
ශ්රී ලංකාවේ ආර්ථිකයෙන් සියයට 3 ක ප්රතිශතයකට දායකත්වය සපයන සංචාරක ඉපයීම් මෙම වසරේ ඔක්තෝබර් මාසයේදී ඇමෙරිකානු ඩොලර් මිලියන 186.1ක් මුදලක් උපයා තිබූ අතර එය පසුගිය වසරේ ඔක්තෝබර් මාසයට සාපේක්ෂව සියයට 0.27 ක වර්ධනයක් විය. පසුගිය වසරේ ඔක්තෝබර් මාසයේ මෙරට සංචාරක ඉපැයීම් ඇමෙරිකානු ඩොලර් මිලියන 185.6ක් වූවේය.
පසුගිය ජූලි සහ අගෝස්තු මාසයේදී මෙරට සංචාරක ඉපැයීම් සෘණාත්මක වර්ධනයක් පෙන්නුම් කිරීමෙන් පසුව ඔක්තෝබර් මාසයේදී මෙලෙස සියයට 0.27 ක වර්ධනයක් පෙන්නුම් කර ඇත.
