ජාත්‍යන්තර මූල්‍ය අරමුදල (IMF) පවසන්නේ විභව IMF ණය වැඩසටහනක් පිළිබඳව ශ්‍රී ලංකාව සමඟ සාකච්ඡා මූලික අදියරේ පවතින බවයි.
රොයිටර් පුවත් සේවයට අනුව, ඕනෑම ගනුදෙනුවක් සඳහා ශ්‍රී ලංකාවේ ණය තිරසාර මාවතකට ගෙන යා හැකි බවට “ප්‍රමාණවත් සහතිකයක්” අවශ්‍ය වනු ඇතැයි IMF තවදුරටත් පැවසීය.
මේ අතර, IMF හි ශ්‍රී ලංකාව සඳහා වූ දූත මණ්ඩල ප්‍රධානී Masahiro Nozaki පවසන්නේ රටේ උග්‍ර ගෙවුම් ශේෂ ගැටලු විසඳීම සඳහා ජාත්‍යන්තර මූල්‍ය අරමුදලේ සහාය ඇති වැඩසටහනක් සැලසුම් කළ යුතු බවයි.
නොසාකි තවදුරටත් පැවසුවේ ජාමූඅ අනුග්‍රහය ලබන වැඩසටහන ද හැකි ඉක්මනින් ආර්ථිකය තිරසාර වර්ධන මාවතකට ආපසු ගෙන යා යුතු බවයි.
මුදල් අමාත්‍ය අලි සබ්රි ප්‍රමුඛ ශ්‍රී ලංකා දූත පිරිසක් මේ වන විට රටේ අසාර්ථක ආර්ථිකයට විසඳුම් සෙවීම සඳහා එක්සත් ජනපදයේ IMF සමඟ සාකච්ඡාවක නිරතව සිටිති.
ශ්‍රී ලංකාවේ වත්මන් ආර්ථික අර්බුදය හේතුවෙන් එහි ණය ගෙවීම පැහැර හැරීම සහ ඉන්ධන, ගෑස්, ආහාර සහ ඖෂධ ඇතුළු අත්‍යවශ්‍ය ද්‍රව්‍ය කිහිපයක හිඟයක් ඇති වී තිබේ.
