නීත්‍යානුකූල මාර්ග ඔස්සේ වැඩි ප්‍රේෂණ දිරිගැන්වීම සඳහා තමන් ඉදිරිපත් කළ යෝජනා දෙකකට අමාත්‍ය මණ්ඩලය එකඟ වූ බව විදේශ රැකියා අමාත්‍ය මනූෂ නායක්කාර මහතා පවසයි.
සම්ප්‍රේෂණය කරන ලද ප්‍රේෂණ ප්‍රමාණය අනුව නව තීරුබදු රහිත දීමනාවක් පිළිබඳව තමන් ඉදිරිපත් කළ යෝජනාවට අමාත්‍ය මණ්ඩලය එකඟ වූ බව අමාත්‍යවරයා පවසයි.
එමෙන්ම නීත්‍යානුකූල මාර්ග ඔස්සේ ප්‍රේෂණය කරන මුදලින් 50%කට සමාන විදුලි වාහනයක් ආනයනය කිරීමට බලපත්‍රයක් ලබාදීමේ ක්‍රමවේදයකට ද අනුමැතිය හිමි වූ බව ඔහු පැවසීය.
ගුවන් තොටුපලේදී ඇමරිකානු ඩොලර් වලින් ගෙවීමට කැමති සංචාරකයින්ට, සංක්‍රමණික සේවකයින්ට සහ ද්විත්ව පුරවැසියන්ට ඉන්ධන බලපත්‍රයක් ලබා දීමේ යෝජනාවකට බලශක්ති අමාත්‍ය කාංචන විජේසේකර එකඟ වූ බව ඔහු වැඩිදුරටත් පැවසීය.
ඉන්ධන බලපත්‍රය ලබාගත් පසු ඔවුන්ට ඉන්ධන ලබා ගැනීමට පෝලිම්වල සිටීමට අවශ්‍ය නොවන බවද අමාත්‍යවරයා පැවසීය.
