සැකකරු පලා යාමට උත්සාහ කළ යතුරුපැදියේ එල්ලී සැකකරුවෙකු අත්අඩංගුවට ගැනීමට රථවාහන අංශයේ නිලධාරියෙකු සමත්ව තිබෙනවා.
මෙම සිදුවීම සිදුව ඇත්තේ පිටකොටුව ප්‍රධාන වීදිය ප්‍රදේශයේදීය. වාහන නැවැත්වීමේ ඉඩක් නොමැති ස්ථානයක යතුරුපැදියක් නවතා තිබියදී පොලිස් නිලධාරියා යතුරුපැදිකරුගෙන් විමසූ විට යතුරුපැදිකරු යතුරුපැදිය පණ ගන්වාගෙන ගොස් ඇත.
මේ අවස්ථාවේදී පොලිස් නිලධාරියා යතුරුපැදියේ එල්ලී මඟහැර සිටි සැකකරු නවතා ගැනීමට උත්සාහ කර ඇත. යතුරුපැදිය ත්‍රිරෝද රථයක ගැටීමට පෙර පොලිස් නිලධාරියා මීටර් 70ක් පමණ පාර දිගේ ඇදී ගොස් තිබේ.
සිද්ධියෙන් පොලිස් නිලධාරියා බරපතළ තුවාල ලබා ඇති අතර අත්අඩංගුවට ගත් සැකකරු සම්බන්ධයෙන් පොලිසිය වැඩිදුර පරීක්ෂණ පවත්වයි.
