Wednesday, 18 November 2026

ශ්‍රී ලංකාවේ උණුසුම් පුවත් විමසුම

පලාගිය ලාංකිකයින් 42කට ජාත්‍යන්තර පොලිසිය රතු නිවේදන නිකුත් කරයි: පොලිස්පති

බෙදාගන්න
XWhatsAppTelegramඅදහස්

ශ්‍රී ලංකා පොලිසියෙන් කළ ඉල්ලීමකට ප්‍රතිචාර වශයෙන් ජාත්‍යන්තර පොලිසිය විසින් විදේශගත වූ ශ්‍රී ලාංකික අපරාධකරුවන් 42 දෙනෙකුට ‘රතු නිවේදන’ නිකුත් කර ඇති බව වැඩබලන පොලිස්පති (IGP) දේශබන්දු තෙන්නකෝන් බ්‍රහස්පතින්දා කොළඹ පැවති උත්සවයකදී පැවසීය.

කොළඹ ජාතික රෝහල ඉදිරිපිට නව පොලිස් මුරපොලක් විවෘත කිරීමේ අවස්ථාවට එක්වෙමින් වැඩබලන පොලිස්පතිවරයා කියා සිටියේ ඉහත කී සැකකරුවන් මත්ද්‍රව්‍ය ජාවාරම් සහ වෙනත් අපරාධ ක්‍රියාකාරකම්වල නිරත වූවන් බවයි.

ජාත්‍යන්තර පොලිසියේ සහය ඇතිව විදේශගතව සිටින අපරාධකරුවන් මෙරටට ගෙන්වා ගැනීමට හැකිවනු ඇතැයි තමා විශ්වාස කරන බව පොලිස්පති තෙන්නකෝන් මහතා පැවසීය.

ඩුබායි හි සැඟවී සිටි ශ්‍රී ලංකාවේ විශාල කල්ලියක ප්‍රධාන සාමාජිකයකු වන පියුම් හස්තික හෙවත් “පියුම” බ්‍රහස්පතින්දා අලුයම ශ්‍රී ලංකාවට පිටුවහල් කළ බව ඔහු පැවසීය.

ඔබේ අදහස