ආරක්ෂක ලේකම් ජෙනරල් කමල් ගුණරත්න සහ රුසියානු සමූහාණ්ඩුවේ ආරක්ෂක කවුන්සිලයේ ලේකම් නිකොලායි පැට්‍රොෂොව් යන මහත්වරු අතර ආරක්ෂක අභියෝගවලට මුහුණදීමට දැනුම හුවමාරු කර ගැනීමේ ද්විපාර්ශවික සාකච්ඡා ඉකුත්දා පැවැත්විණ.
ඒ රාජ්‍ය ආරක්ෂක කටයුතු පිළිබඳ 12 වැනි ජාත්‍යන්තර සමුළුව රුසියාවේ ශාන්ත පීටර්ස්බර්ග්හිදී ඉකුත් දා පැවැති අවස්ථාවේදීය.
ත්‍රස්ත මර්දන, සයිබර් හා අන්තර්ජාල ආරක්‍ෂාව මෙන්ම ආරක්ෂක සහයෝගීතාව ඇතුළු පුළුල් පරාසයක මාතෘකා බොහොමයක් මෙම සාකච්ඡාවට ඇතුළත් විය.
තවද රාජ්‍යතාන්ත්‍රික සබඳතා ශක්තිමත් කිරීමට සහ ආරක්ෂක ක්‍රියාවලිය තුළ දෙරටේ සහයෝගීතාව වැඩිදියුණු කිරීම සඳහා නව මංපෙත් පිළිබඳ සොයා බලන බවද දෙපාර්ශවය විසින්ම ප්‍රකාශ කරනු ලැබූහ.
එම සමුළුවට ලොව පුරා රටවල් නියෝජනය කරන ආරක්ෂක අංශවල උසස් නිලධාරීන් විශාල පිරිසක් එකව සිටියහ.
