ෆීල්ඩ් මාර්ෂල් සරත් ෆොන්සේකා මහතා වහාම ක්රියාත්මක වන පරිදි පක්ෂයෙන් ඉවත් කරන ලෙස සමගි ජන බලවේගයේ ගම්පහ දිස්ත්රික් සංවිධායකවරු පක්ෂ නායකත්වයෙන් ඉල්ලීමක් කළහ.
සමගි ජන බලවේගය වත්තල සංවිධායක නියෝමාල් පෙරේරා මාධ්යවේදීන් හමුවේ කියා සිටියේ ෆොන්සේකා මහතා පක්ෂයෙන් ඉවත් කරන ලෙස ගම්පහ දිස්ත්රික් සියලුම සංවිධායකවරුන් පක්ෂයේ මහලේකම්වරයාගෙන් ඒකමතිකව ඉල්ලා ඇති බවයි.
“ෆොන්සේකාට එරෙහිව ක්රියාමාර්ග ගැනීම අත්හිටුවීමේ නියෝගයක් නිකුත් කළ අධිකරණයට අපි ගරු කරන නමුත් ඔහුට තවදුරටත් පක්ෂයේ රැඳී සිටීමට ඉඩ නොතැබිය යුතු බවට අපි තීරණය කළෙමු,” පෙරේරා පැවසීය.
සමගි ජන බලවේගයේ පාර්ලිමේන්තු මන්ත්රී හර්ෂණ රාජකරුණා මහතා පැවසුවේ ෆොන්සේකා මහතා ඉවත් කිරීමට යාම පිළිබඳව ගම්පහ දිස්ත්රික් සංවිධායකවරුන් සතුටු වන බවයි.
“සමගි ජන බලවේගයේ ගම්පහ දිස්ත්රික් සාමාජිකයින් ෆොන්සේකාගේ ඇත්ත දකින එක ගැන අපි සතුටු වෙනවා” ඔහු පැවසීය.
