රටින් සහල් ගෙන්වීම අවශ්‍ය නෑ. 2023/2024 මහ කන්නය සහ යල කන්න දෙක තුල මෙරට වී මෙට්රික් ටොන් 4. 24 ක් නිෂ්පාදනය කළා . වාර්ෂික සහල් අවශ්‍යතාවය සහල් මෙට්රික් ටොන් මිලියන 2. 46 ක් , බැවින් අතිරික්ත වී තොගයක් මෙරට ඇතැයි කෘෂිකර්ම දෙපාර්තමේන්තුවේ හිටපු අධ්‍යක්ෂ වරයකු වූ කේ. බී ගුණරත්න මහතා පැවසීය.
රටේ උද්ගත ව පවතින අධික සහල් මිළ සහ සහල් රටින් ගෙන්වීමට රජය ගෙන ඇති තීරණය සම්බන්ධයෙන් වැඩි දුරටත් කරුණු දැක්වූ හිටපු කෘෂිකර්ම අධ්‍යක්ෂක වරයා මෙසේ පැවසීය.
2022 වසරේ හැර සෑම වසරකම ඒ ඒ රජයන් මාස තුනකට සහල් අතිරික්තයක් පවත්වාගෙන ආව, රසායනික පොහොර තහනම නිසා ඇතිවූගැටළුව හේතුවෙන් 2022 වසරේ සහල් මෙට්රික් ටොන් 800000 ක් ආනයනය කිරීමට ඇමරිකානූ ඩොලර් මිලියන 400 ක් වැය කලා ඒ නිසා රටින් සහල් ආනයනය කිරීම අවශ්‍ය නැහැ. නිවරුදි ආකාරයට ලැබූණ අස්වැන්න සහල් කලොත් ලංකාවේ මේවසරේ මෙට්රික් ටොන් 42200 ක් පමණ සහල් අතිරික්තයක් තිබිය යුතුයි.
තාමත් වී වලින් සියයට 40 ක් =40%) පමණ ගොවියා සතුව හෝ වී මෝල් හිමියන් සතුව හෝ සඟවා තබාගෙන තිබෙන්නට ඕනේ,මේවා පිටතට ගැනීම සඳහා නීතීමය ක්‍රියාමාර්ග ගැනීම රජය සතු කාර්යයක්.
