ලංකා ඛනිජ තෙල් නීතිගත සංස්ථාව (CPC) වෙත පෙට්රල්, මර්බන් බොරතෙල් සහ ඩීසල් සැපයීම සඳහා දිගුකාලීන ගිවිසුම් තුනකට එළඹීමට කැබිනට් මණ්ඩලය අනුමැතිය ලබාදී තිබේ.
CPC හි ලියාපදිංචි සැපයුම්කරුවන් අතර සීමිත ජාත්යන්තර තරගකාරී ප්රසම්පාදන ක්රියාවලියක් යටතේ ලැබුණු ලංසු ඇගයීමෙන් අනතුරුව මෙම සැපයුම්කරුවන් තෝරාගෙන ඇත.
අදාළ ගිවිසුම් 2026 සැප්තැම්බර් සිට 2027 පෙබරවාරි දක්වා කාලය තුළ ක්රියාත්මක කිරීමට නියමිතය.
ඒ අනුව,
- Aditya Birla Global Trading (Singapore) Pte. Ltd. වෙත 2026 සැප්තැම්බර් 1 සිට 2027 පෙබරවාරි 28 දක්වා ඔක්ටේන් 92 පෙට්රල් බැරල් මිලියන 1.2ක් 5% ආන්තිකයක් සහිතව සැපයීමේ කොන්ත්රාත්තුව පිරිනමා තිබේ. මේ සඳහා ලංසු හතරක් ඉදිරිපත් වී ඇත.
- එම සමාගමටම 2026 නොවැම්බර් 1 සිට 2027 පෙබරවාරි 28 දක්වා මර්බන් බොරතෙල් බැරල් මිලියන 2.8ක් 5% ආන්තිකයක් සහිතව සැපයීමේ කොන්ත්රාත්තුවද පිරිනමා ඇත. මේ සඳහාද ලංසු හතරක් ලැබී තිබේ.
- සිංගප්පූරුවේ Vitol Asia Pte. Ltd. වෙත 2026 සැප්තැම්බර් 1 සිට 2027 පෙබරවාරි 28 දක්වා 0.05% M.S. ඩීසල් බැරල් මිලියන 1.12ක් 5% ආන්තිකයක් සහිතව සැපයීමේ කොන්ත්රාත්තුව පිරිනමා ඇත. මේ සඳහා ලංසු හයක් ඉදිරිපත් වී තිබේ.
ඉහළ මට්ටමේ ස්ථාවර ප්රසම්පාදන කමිටුවේ නිර්දේශ මත, සැලකිය යුතු ලෙස ප්රතිචාර දැක්වූ අඩුම ලංසුකරුවන් ලෙස තෝරාගත් සමාගම් වෙත මෙම කොන්ත්රාත් පිරිනැමීමට බලශක්ති අමාත්යවරයා ඉදිරිපත් කළ යෝජනාවට කැබිනට් අනුමැතිය හිමිව තිබේ.
