අල්ලස් හෝ දූෂණ චෝදනා විමර්ශන කොමිසම (CIABOC) විසින් දූෂණ චෝදනාවක් සම්බන්ධයෙන් අත්අඩංගුවට ගෙන සිටි හිටපු අමාත්ය කෙහෙළිය රඹුක්වැල්ල මහතා එක් පැමිණිල්ලකට අදාළව ඇප මත මුදාහැරීමට කොළඹ මහේස්ත්රාත් අධිකරණය නියෝග කර තිබේ.
කොළඹ ප්රධාන මහේස්ත්රාත් අසංග එස්. බෝදරගම මහතා මෙම නියෝගය ලබාදී ඇත්තේ අල්ලස් කොමිසමේ නිලධාරීන් සහ රඹුක්වැල්ල මහතා වෙනුවෙන් පෙනී සිටි නීතිඥවරුන් ඉදිරිපත් කළ කරුණු සලකා බැලීමෙන් අනතුරුවය.
මේ අතර, රඹුක්වැල්ල මහතාට එරෙහිව පවතින තවත් නඩුවකට අදාළව මේ වනවිට අධිකරණය හමුවේ කරුණු දැක්වීම් සිදුකෙරෙමින් පවතින බව වාර්තා වේ.
