මහජන ආරක්ෂක අමාත්‍ය ටිරාන් අලස් මහතා සඳුදා (28) ප්‍රකාශ කළේ 2022 මැයි 09 වන දින ඇති වූ ප්‍රචණ්ඩත්වය පිළිබඳව අපරාධ පරීක්ෂණ දෙපාර්තමේන්තුව විසින් නව පරීක්ෂණයක් ආරම්භ කර ඇති බවයි.
රටපුරා ප්‍රචණ්ඩත්වය වැළැක්වීමට අපොහොසත් වීම සම්බන්ධයෙන් එවකට යුද හමුදාපති ජෙනරාල් ශවේන්ද්‍ර සිල්වා, පොලිස්පති සී ඩී වික්‍රමරත්න ඇතුළු කිහිප දෙනෙකුට එරෙහිව පවරා තිබූ නඩුව ඉල්ලා අස්කර ගැනීමට දේශපාලඥයින් පිරිසකට අභියාචනාධිකරණය අවසර ලබා දුන්නේය. 2023 මැයි 23 දින පෙත්සම්කරුවන් විසින් මේ සම්බන්ධයෙන් ගොනු කරන ලද රිට් පෙත්සමක් ඉල්ලා අස්කර ගන්නා ලදී.
නීතිපති ජනාධිපති නීතිඥ සංජේ රාජරත්නම් මහතා කළ විමසුමකට පිළිතුරු ලබාදෙමින් මෙම සිද්ධීන් සම්බන්ධයෙන් විමර්ශනය කිරීමට තමන් සූදානම් බව ප්‍රකාශ කිරීමෙන් පසු නඩුව ඉල්ලා අස්කර ගැනීමට අධිකරණය අවසර ලබාදුන් බව අමාත්‍ය අලස් මහතා පැවසීය. 2022 මැයි 09 දිනට පෙර හමුදාවේ, පොලිසියේ සහ බුද්ධි අංශවල අතපසුවීම්, ප්‍රචණ්ඩත්වය සහ ඉන් පසුව ඇති වූ සිද්ධීන් පිළිබඳ අද්මිරාල් ඔෆ් ද ෆ්ලීට් වසන්ත කරන්නාගොඩගේ වාර්තාවේ නිර්දේශය පරිදි පොලිසියට පරීක්ෂණයක් කළ හැකිදැයි නීතිපතිවරයා විමසා ඇත. .
