මීට වසර 31කට පෙර වැසී ගිය කන්තලේ සීනි සමාගම සතුව සක්‍රීය තත්වයේ තිබූ යන්ත්‍ර සූත්‍ර විශාල ප්‍රමාණයක් මේවන වට විනාශ වී දිරාපත්ව ඇති අයුරු එහි ගිය අපට දැකගත හැකියි.
දශක තුනකට වැඩි කාලයක් ලංකාවේ සීනි පරිභෝජනයට විශාල දායකත්වය දැක්වු කන්තලේ සීනි කර්මාන්ත ශාලාව 1993 වසරේ කන්තලේ සීනි කම්හල පෞද්ගලීකරණය කිරීම හේතුවෙන් පැන නැගුණු සේවක විරෝධතා හමුවේ වසා දැමීය.
කම්හලේ එවකට සක්‍රීය මට්ටමේ තිබු යන්ත්‍ර සූත්‍ර මේ වන විට දිරාපත්ව අභාවයට යමින් පවති. ලොව පළමු ඇගමැතිනිය වන සිරිමාවෝ බණ්ඩාරනායක මහත්මියට චොකොස්ලෝවැනියානු රජයෙන් ලැබුණු ත්‍යාගයක් ලෙස 1960 ඔක්තෝබර් 02 දා ආරම්භ වු මෙම සීනි කම්හලේ මැද භාගය වනවිට ස්ථිර හා අනියම් සේවකයෝ 4300 ක් සේවය කළහ.
කම්හලට වාර්ෂිකව සීනි නිෂ්පාදනයට අවශ්‍ය වන උක් වගා කිරිම සදහා සීනි කම්හල අවට අක්කර 21333 රෑඩ් 02 පර්චස් 30 ක උක් වගා කරනු ලැබ තිබුණි.
මේ සම්බන්ධයෙන් කළ විමසුමකට පිළිතුරු දුන් විදේශ කටයුතු හා විදේශ රැකියා නියෝජ්‍ය අමාත්‍ය සහ ත්‍රිකුණාමලය දිස්ත්‍රික් පාර්ලිමේන්තු මන්ත්‍රි ඇරුන් හේමචන්ද්‍රා මහතා සීනි කම්හල විවෘත කිරිම සදහා අපේ රජය ප්‍රතිපත්තිමය තීන්දුවක් අරන් තියෙනවා. ඊට පෙර භූමිය නිදහස් කර ගැනිමල වගා සදහා ජලය ලබාගැනිම තිබෙන පරණ යන්ත්‍ර සූත්‍ර ඉවත් කර ඒ සදහා නවීන යන්ත්‍ර සුත්‍ර සවි කිරිම මුලින්ම අපි සිදුකළ යුතුයිගඒ වගේම පසුගිය රජය කාලයේ ආයෝජකයකු සමග ඇතිකරගත් ගිවිසුම සොයාබැලිය යුතුයි.
කෙසේ වෙතත් අපේ රජයෙන් සීනි කම්හල විවෘත කිරිමට අවශ්‍ය කටයුතු ආරම්භ කිරිමට බලාපොරොත්තු වෙනවා යැයි පැවසීය
වත්මන් රජයෙන් මෙම උක්වගා භුමියෙන් අක්කට 11000ක් කෙටිකාලීන බෝග වගාව සදහා තාවකාලිකව මුදාහැර ඇති අතර නව රජය යටතේ මෙම සීනි කම්හල යළි නිෂ්පාදන සදහා විවෘත වනු දැකීම බව කන්තලේ වැසියන්ගේ බලාපොරොත්තුවයි. කම්හල සතුව භෞතික සම්පත් පවතින බැවින් නවීන යන්ත්‍රෝපකරණ සවිකර යළි උක් වගා කර මෙය ආරම්භ කිරිමට වඩා සුදුසු බව සියලු දෙනාගේ මතය වී තිබේ
දැනට උක් වගා භූමියෙන් කොටසක් අනවසර වගාකරුවන් ආක්‍රමණය කර ඇති අතර එය නවතා දැමීමට නම් කම්හල යළි සක්‍රීය මට්ට්මකට ගත යුතුව ඇතැයි බෝහෝ දෙනාගේ මතය වි තිබේග වසර ගණනාවක් කම්හලේ සේවය කළ ඇතැම් සේවකයෝ කිහිප දෙනෙකු කම්හල වැසි ගියද තවමත් නිල නිවාසවල රැදි සිටින අයුරු දැකගත හැකිය
