පවතින එල් නීනෝ කාලගුණික තත්ත්වය හේතුවෙන් ජල සම්පත් වියළී යාමත් සමඟ විදුලි ඉල්ලුම ඉහළ යා හැකි අතර, විදුලි උත්පාදන ධාරිතාවද අඩු විය හැකි බව මහජන උපයෝගිතා කොමිෂන් සභාව (PUCSL) අනතුරු අඟවා තිබේ.
මහජන උපයෝගිතා කොමිෂන් සභාවේ සභාපති කේ. පී. එල්. චන්ද්රලාල් පැවසුවේ මෙවැනි තත්ත්වයක් තුළ රටට විදුලි හිඟයකට මුහුණදීමේ අවදානමක් පවතින බවයි.
අද පැවති පුනර්ජනනීය බලශක්ති මගින් නිපදවන විදුලිය සඳහා අලුතින් ප්රකාශයට පත් කළ විදුලි ගාස්තු (Feed-in Tariffs) පිළිබඳ මාධ්ය හමුවේදී ඔහු මේ බව සඳහන් කළේය.
පවතින කාලගුණික තත්ත්වය හේතුවෙන් බැටරි බලශක්ති ගබඩා පද්ධතිවල මෙගාවොට් 450ක පමණ අඩුවීමක් සිදුවිය හැකි බවද චන්ද්රලාල් මහතා පෙන්වා දුන්නේය. එමඟින් අඛණ්ඩ විදුලි සැපයුමක් සහතික කිරීම තවදුරටත් අභියෝගාත්මක වනු ඇතැයි ඔහු පැවසීය.
මෙම අභියෝගවලට මුහුණදීම සඳහා පුනර්ජනනීය බලශක්තිය විදුලිබල පද්ධතියට වැඩි වශයෙන් එක් කිරීම සහ ප්රමාණවත් බලශක්ති ගබඩා ධාරිතාවක් පවත්වා ගැනීම අත්යවශ්ය බව මහජන උපයෝගිතා කොමිෂන් සභාව අවධාරණය කළේය.
එමඟින් විදුලිබල පද්ධතියේ ස්ථාවරත්වය පවත්වා ගනිමින් විශ්වාසදායක විදුලි සැපයුමක් සහතික කිරීමට හැකි වනු ඇතැයි එම කොමිෂන් සභාව වැඩිදුරටත් සඳහන් කළේය.
