එමිරේට්ස් ගිවිසුම අවසන් කළ පසු ශ්‍රීලංකන් ගුවන් සේවයට බිලියන 528ක පාඩුවක් – ජනපති
එමිරේට්ස් (Emirates) සමාගම සමඟ පැවති කළමනාකරණ හවුල්කාරිත්වය අවසන් කිරීමෙන් අනතුරුව, 2008 වසරේ සිට මේ දක්වා ශ්‍රීලංකන් ගුවන් සේවයට (SriLankan Airlines) රුපියල් බිලියන 528ක (රුපියල් කෝටි 52,800ක) සමුච්චිත පාඩුවක් සිදුව ඇති බව ජනාධිපති අනුර කුමාර දිසානායක මහතා පාර්ලිමේන්තුවේදී ප්‍රකාශ කළේය.
ඊයේ (නොවැම්බර් 12) පාර්ලිමේන්තුව හමුවේ 2027 අයවැය කතාව ඉදිරිපත් කරමින් ජනාධිපතිවරයා සඳහන් කළේ, හිටපු ජනාධිපති මහින්ද රාජපක්ෂ මහතාගේ පාලන සමයේදී පෞද්ගලික ගැටලුවක් මුල්කර ගනිමින් එම හවුල්කාරිත්වය අවසන් කිරීමට ගත් තීරණයෙන් පසුව මෙම දැවැන්ත මූල්‍ය පාඩුව සිදුව ඇති බවට චෝදනා කළේය.
වසර 10ක කාලයක් පුරා පැවති එමිරේට්ස් කළමනාකරණ ගිවිසුම 2008 වසරේ මාර්තු මාසයේදී අවසන් කෙරුණු අතර, ඉන් අනතුරුව ශ්‍රී ලංකා රජය විසින් ජාතික ගුවන් සේවයේ පරිපාලනය සියතට ගනු ලැබීය.
