ජාත්යන්තර පොලිතීන් බෑග් නිදහස් දිනය සනිටුහන් කරමින් මධ්යම පරිසර අධිකාරිය (CEA) මහජනතාවගෙන් ඉල්ලා සිටින්නේ පොලිතීන් භාවිතය අවම කර පරිසර හිතකාමී, නැවත භාවිතා කළ හැකි විකල්ප වෙත මාරු වන ලෙසයි.
දැනුවත්ව හෝ නොදැනුවත්ව පොලිතීන් භාවිතය නිසා සිදුවන පාරිසරික හානිය සැලකිය යුතු බවත් එය පරිසර පද්ධති සහ ජීවීන්ට බරපතල තර්ජනයක් එල්ල කරන බවත් මධ්යම පරිසර අධිකාරිය විශේෂ දැනුවත් කිරීමේ පණිවිඩයකින් අනතුරු ඇඟවීය.
භාවිතයෙන් පසු වහාම ඉවතලන පොලිතීන් බෑගයක් දිරාපත් වීමට වසර සිය ගණනක් ගත විය හැකි බවත්, එමඟින් පරිසරයට දිගුකාලීන හානියක් සිදු වන බවත් ස්වභාවික පරිසර පද්ධති කඩාකප්පල් වන බවත් අධිකාරිය පැවසීය.
සමාජයේ සාමූහික වගකීම ඉස්මතු කරමින්, මධ්යම පරිසර අධිකාරිය මහජනතාවගෙන් ඉල්ලා සිටියේ තනි භාවිත පොලිතීන් නිෂ්පාදන මත යැපීම අඩු කර අනාගත පරම්පරාවන් සඳහා පරිසරය ආරක්ෂා කිරීම සඳහා නැවත නැවතත් භාවිතා කළ හැකි තිරසාර විකල්ප අනුගමනය කරන ලෙසයි.
