‘සමෘද්ධිමත් ජාතියක්, සුන්දර ජීවිතයක්’ ගොඩනැගීමේ ජාතික ප්රතිපත්තියට අනුකූලව, චිත්රපට කර්මාන්තය සංවර්ධනය කිරීම සහ චිත්රපට ප්රේක්ෂකයින්ට වඩාත් පහසුවෙන් සිනමා ශාලා නැරඹීමේ අවස්ථාව ලබා දීමේ මූලික අරමුණ ඇතිව, ජාතික චිත්රපට සංස්ථාව කලාපීය සිනමා ශාලා ඉදිකිරීමට පියවර ගනිමින් සිටී.
මෙම ව්යාපෘතිය ආරම්භ කිරීම සම්බන්ධයෙන් පෞද්ගලික ව්යාපාරික ප්රජාව සමඟ මූලික සාකච්ඡාව මෑතකදී ජාතික චිත්රපට සංස්ථාවේදී එහි සභාපති සුදත් මහදිවුල්වැව මහතාගේ ප්රධානත්වයෙන් පැවැත්විණි.
කලාපීය වශයෙන් සිනමා ශාලා ඉදිකිරීමට අපේක්ෂා කරන ව්යාපාරිකයින් දොළොස් දෙනෙකු මෙම අවස්ථාවට සහභාගී වූහ. ඔවුන් අතර, දැනට චිත්රපට කර්මාන්තයේ නියැලී සිටින සිනමාහල් හිමියන් ද කලාපීය වශයෙන් සිනමා ශාලා ඉදිකිරීමට සූදානම්ව සිටීම කැපී පෙනුණි. 50 ත් 100 ත් අතර ආසන ධාරිතාවක් සහිත සිනමා ශාලා ඉදිකිරීමට සහ සිනමා ශාලා ඉදිකිරීමේදී නව තාක්ෂණය එකතු කිරීමට සියලු දෙනා එකඟ වූහ. මීට අමතරව, පිට පළාත් කිහිපයක පවතින සිනමා ශාලා නරඹන්නන්ට වැඩිදියුණු කළ අත්දැකීමක් ලබා දීම සඳහා නව තාක්ෂණය ඒකාබද්ධ කරමින් ප්රතිසංස්කරණය කරනු ලැබේ.
ජාතික චිත්රපට සංස්ථාවේ සාමාන්යාධිකාරී රුවන් ප්රේමවීර, නියෝජ්ය සාමාන්යාධිකාරී – මූල්ය හා පරිපාලන ප්රදීප් ලංකා ධර්මවික්රම, සහකාර සාමාන්යාධිකාරී – විමර්ශන ගාමිණී රූපසිංහ සහ විමර්ශන නිලධාරීන් සාකච්ඡාවට සහභාගී වූහ.
