ජාත්‍යන්තර ක්‍රිකට් කවුන්සිලය (ICC) මඟින් සංවිධානය කරනු ලබන දෙවැනි ‘නැගී එන කාන්තා ජාතීන්ගේ කුසලාන’ (ICC Women’s Emerging Nations Trophy) ක්‍රිකට් තරගාවලිය එළඹෙන නොවැම්බර් 12 වැනිදා සිට 25 වැනිදා දක්වා එක්සත් අරාබි එමීර් රාජ්‍යයේදී (UAE) පැවැත්වීමට කටයුතු යොදා තිබේ.
කාන්තා ක්‍රිකට් ක්‍රීඩාවේ අනාගත සංවර්ධනය උදෙසා ICCය සිදුකරන අඛණ්ඩ ආයෝජනයන්හි තවත් පියවරක් ලෙස, මෙවර තරගාවලිය සඳහා සහභාගී වන කණ්ඩායම් සංඛ්‍යාව 8 සිට 10 දක්වා ඉහළ නංවා ඇති අතර, ඉතිහාසයේ පළමු වරට ICC පූර්ණ සාමාජිකත්වය (Full Members) දරන ප්‍රබල රටවල් පහක්ද මීට ඇතුළත් කර තිබීම විශේෂත්වයකි.
ඒ අනුව, පූර්ණ සාමාජිකත්වය දරන ශ්‍රී ලංකාව, බංග්ලාදේශය, අයර්ලන්තය, පාකිස්තානය සහ සිම්බාබ්වේ යන රටවල් සමඟින් සහයෝගිතා සාමාජික (Associate Members) රටවල් වන නෙදර්ලන්තය, පැපුවා නිව්ගිනියාව (PNG), ස්කොට්ලන්තය, තායිලන්තය සහ එක්සත් අරාබි එමීර් රාජ්‍යය (UAE) මෙම තරගාවලියට එක්වෙයි. එක්සත් අරාබි එමීර් රාජ්‍යයේ අජ්මාන් (Ajman) නුවර පිහිටි කාර්වාන් ස්පෝර්ට්ස් (Karwan Sports) සහ සෙවන් ඩිස්ට්‍රික්ට්ස් (Seven Districts) ක්‍රීඩාංගණවලදී තරග පැවැත්වීමට නියමිතය.
තරග ආකෘතිය සහ කාණ්ඩ බෙදී ඇති අයුරු
කණ්ඩායම් 5 බැගින් වූ කාණ්ඩ දෙකක් යටතේ මූලික වටයේ තරග පැවැත්වෙන අතර, අනතුරුව ‘සුපිරි හය’ (Super Six) වටය සහ අවසන් මහා තරගය පැවැත්වේ.
‘ඒ’ (A) කාණ්ඩය: ශ්‍රී ලංකාව, අයර්ලන්තය, පැපුවා නිව්ගිනියාව, ස්කොට්ලන්තය සහ එක්සත් අරාබි එමීර් රාජ්‍යය
‘බී’ (B) කාණ්ඩය: බංග්ලාදේශය, පාකිස්තානය, නෙදර්ලන්තය, තායිලන්තය සහ සිම්බාබ්වේ
මෙම පුළුල් කිරීම හරහා නැගී එන සහයෝගිතා රටවල ක්‍රීඩිකාවන්ට ප්‍රබල ජාත්‍යන්තර කණ්ඩායම් සමඟ තරග වැදී ඉහළ අත්දැකීම් සම්භාරයක් එකතු කරගැනීමට අගනා අවස්ථාවක් හිමිවන බව ICC ඉසව් හා ක්‍රිකට් මෙහෙයුම් සාමාන්‍යාධිකාරී ගෞරව් සක්සේනා (Gaurav Saxena) මහතා සඳහන් කළේය.
2025 මංගල තරගාවලියේ මතකය
2025 වසරේ පැවති මංගල තරගාවලියේදී ස්කොට්ලන්තය, නෙදර්ලන්තය සහ එමීර් රාජ්‍යය සමඟ සම ලකුණු ලබා සිටියද, ශුද්ධ ලකුණු වේගය (NRR) මත පදනම්ව සිය මව්බිමේදීම කුසලානය දිනාගැනීමට තායිලන්ත කාන්තා කණ්ඩායම සමත් විය.
එම මංගල තරගාවලියේදී දැක්වූ විශිෂ්ට දක්ෂතා හේතුවෙන් ක්‍රීඩිකාවන් රැසකටම ICC විස්සයි20 ශ්‍රේණිගත කිරීම්හි ඉහළට පැමිණීමට අවස්ථාව සැලසුණු අතර, මෙවර තරගාවලියද කාන්තා ක්‍රිකට් පිටියේ නව තරු රැසක් ලොවට බිහිකරන තෝතැන්නක් වනු ඇතැයි අපේක්ෂා කෙරේ.
කණ්ඩායම් 10කගේ සහභාගීත්වයෙන් පැවැත්වෙන මෙම තරගාවලියේදී ශ්‍රී ලංකා කාන්තා කණ්ඩායම තරග වදින්නේ ‘ඒ’ (A) කාණ්ඩය යටතේය.
කාණ්ඩ බෙදී ඇති ආකාරය:
‘ඒ’ (A) කාණ්ඩය: ශ්‍රී ලංකාව, අයර්ලන්තය, ස්කොට්ලන්තය, පැපුවා නිව්ගිනියාව (PNG), එක්සත් අරාබි එමීර් රාජ්‍යය (UAE)
‘බී’ (B) කාණ්ඩය: පාකිස්තානය, බංග්ලාදේශය, තායිලන්තය, නෙදර්ලන්තය, සිම්බාබ්වේ
ශ්‍රී ලංකා කණ්ඩායම තරග වදින දින (ශ්‍රී ලංකා වේලාවෙන්):
නොවැම්බර් 12 (පෙ.ව. 10:30): ශ්‍රී ලංකාව සහ අයර්ලන්තය අතර (කාර්වාන් ක්‍රීඩාංගණය)
නොවැම්බර් 13 (පෙ.ව. 10:30): ශ්‍රී ලංකාව සහ ස්කොට්ලන්තය අතර (කාර්වාන් ක්‍රීඩාංගණය)
නොවැම්බර් 15 (ප.ව. 02:45): ශ්‍රී ලංකාව සහ පැපුවා නිව්ගිනියාව අතර (සෙවන් ඩිස්ට්‍රික්ට්ස් ක්‍රීඩාංගණය)
නොවැම්බර් 16 (ප.ව. 02:45): ශ්‍රී ලංකාව සහ එක්සත් අරාබි එමීර් රාජ්‍යය අතර (සෙවන් ඩිස්ට්‍රික්ට්ස් ක්‍රීඩාංගණය)
(සටහන: එමීර් රාජ්‍යයේ දේශීය වේලාවට වඩා ශ්‍රී ලංකා වේලාව පැය 1යි මිනිත්තු 30ක් ඉදිරියෙන් පවතී.)
සම්පූර්ණ තරග කාලසටහන (එක්සත් අරාබි එමීර් රාජ්‍යයේ දේශීය වේලාවෙන්)
මූලික වටය
නොවැම්බර් 12 (අඟහරුවාදා):
පෙ.ව. 09:00 – ශ්‍රී ලංකාව සහ අයර්ලන්තය (කාර්වාන් ක්‍රීඩා සමාජ ක්‍රීඩාංගණය)
පෙ.ව. 09:00 – පැපුවා නිව්ගිනියාව සහ ස්කොට්ලන්තය (සෙවන් ඩිස්ට්‍රික්ට්ස් ක්‍රීඩාංගණය)
ප.ව. 01:15 – පාකිස්තානය සහ බංග්ලාදේශය (කාර්වාන් ක්‍රීඩා සමාජ ක්‍රීඩාංගණය)
ප.ව. 01:15 – නෙදර්ලන්තය සහ තායිලන්තය (සෙවන් ඩිස්ට්‍රික්ට්ස් ක්‍රීඩාංගණය)
නොවැම්බර් 13 (බදාදා):
පෙ.ව. 09:00 – ස්කොට්ලන්තය සහ ශ්‍රී ලංකාව (කාර්වාන් ක්‍රීඩා සමාජ ක්‍රීඩාංගණය)
පෙ.ව. 09:00 – එමීර් රාජ්‍යය සහ අයර්ලන්තය (සෙවන් ඩිස්ට්‍රික්ට්ස් ක්‍රීඩාංගණය)
ප.ව. 01:15 – තායිලන්තය සහ පාකිස්තානය (කාර්වාන් ක්‍රීඩා සමාජ ක්‍රීඩාංගණය)
ප.ව. 01:15 – සිම්බාබ්වේ සහ බංග්ලාදේශය (සෙවන් ඩිස්ට්‍රික්ට්ස් ක්‍රීඩාංගණය)
නොවැම්බර් 15 (සිකුරාදා):
පෙ.ව. 09:00 – තායිලන්තය සහ සිම්බාබ්වේ (කාර්වාන් ක්‍රීඩා සමාජ ක්‍රීඩාංගණය)
පෙ.ව. 09:00 – පාකිස්තානය සහ නෙදර්ලන්තය (සෙවන් ඩිස්ට්‍රික්ට්ස් ක්‍රීඩාංගණය)
ප.ව. 01:15 – ස්කොට්ලන්තය සහ එමීර් රාජ්‍යය (කාර්වාන් ක්‍රීඩා සමාජ ක්‍රීඩාංගණය)
ප.ව. 01:15 – ශ්‍රී ලංකාව සහ පැපුවා නිව්ගිනියාව (සෙවන් ඩිස්ට්‍රික්ට්ස් ක්‍රීඩාංගණය)
නොවැම්බර් 16 (සෙනසුරාදා):
පෙ.ව. 09:00 – බංග්ලාදේශය සහ නෙදර්ලන්තය (කාර්වාන් ක්‍රීඩා සමාජ ක්‍රීඩාංගණය)
පෙ.ව. 09:00 – සිම්බාබ්වේ සහ පාකිස්තානය (සෙවන් ඩිස්ට්‍රික්ට්ස් ක්‍රීඩාංගණය)
ප.ව. 01:15 – අයර්ලන්තය සහ පැපුවා නිව්ගිනියාව (කාර්වාන් ක්‍රීඩා සමාජ ක්‍රීඩාංගණය)
ප.ව. 01:15 – එමීර් රාජ්‍යය සහ ශ්‍රී ලංකාව (සෙවන් ඩිස්ට්‍රික්ට්ස් ක්‍රීඩාංගණය)
නොවැම්බර් 18 (සඳුදා):
පෙ.ව. 09:00 – පැපුවා නිව්ගිනියාව සහ එමීර් රාජ්‍යය (කාර්වාන් ක්‍රීඩා සමාජ ක්‍රීඩාංගණය)
පෙ.ව. 09:00 – අයර්ලන්තය සහ ස්කොට්ලන්තය (සෙවන් ඩිස්ට්‍රික්ට්ස් ක්‍රීඩාංගණය)
ප.ව. 01:15 – නෙදර්ලන්තය සහ සිම්බාබ්වේ (කාර්වාන් ක්‍රීඩා සමාජ ක්‍රීඩාංගණය)
ප.ව. 01:15 – බංග්ලාදේශය සහ තායිලන්තය (සෙවන් ඩිස්ට්‍රික්ට්ස් ක්‍රීඩාංගණය)
‘සුපිරි හය’ (Super Six) වටය
නොවැම්බර් 20 (බදාදා):
පෙ.ව. 09:00 – QA2 සහ QB2 (කාර්වාන් ක්‍රීඩා සමාජ ක්‍රීඩාංගණය)
පෙ.ව. 09:00 – QA1 සහ QB3 (සෙවන් ඩිස්ට්‍රික්ට්ස් ක්‍රීඩාංගණය)
ප.ව. 01:15 – QB1 සහ QA3 (කාර්වාන් ක්‍රීඩා සමාජ ක්‍රීඩාංගණය)
නොවැම්බර් 22 (සිකුරාදා):
පෙ.ව. 09:00 – QB2 සහ QA1 (කාර්වාන් ක්‍රීඩා සමාජ ක්‍රීඩාංගණය)
පෙ.ව. 09:00 – QB1 සහ QA2 (සෙවන් ඩිස්ට්‍රික්ට්ස් ක්‍රීඩාංගණය)
ප.ව. 01:15 – QA3 සහ QB3 (සෙවන් ඩිස්ට්‍රික්ට්ස් ක්‍රීඩාංගණය)
නොවැම්බර් 23 (සෙනසුරාදා):
පෙ.ව. 09:00 – QA1 සහ QB1 (කාර්වාන් ක්‍රීඩා සමාජ ක්‍රීඩාංගණය)
ප.ව. 01:15 – QB3 සහ QA2 (කාර්වාන් ක්‍රීඩා සමාජ ක්‍රීඩාංගණය)
ප.ව. 01:15 – QA3 සහ QB2 (සෙවන් ඩිස්ට්‍රික්ට්ස් ක්‍රීඩාංගණය)
අවසන් මහා තරගය (Final)
නොවැම්බර් 25 (සඳුදා):
පෙ.ව. 09:00 (ශ්‍රී ලංකා වේලාවෙන් පෙ.ව. 10:30): අවසන් මහා තරගය – අජ්මාන්හි කාර්වාන් ස්පෝර්ට්ස් ක්ලබ් ක්‍රීඩාංගණයේදී පැවැත්වේ.
