ඩිට්වා සුළි කුණාටුවෙන් පසු යටිතල පහසුකම් ප්රතිසංස්කරණය සහ ජනතාවගේ ජීවනෝපාය යථා තත්ත්වයට පත් කිරීම සඳහා ඇමෙරිකානු ඩොලර් මිලියන 200ක ව්යාපෘතියකට අදාළ ණය ගිවිසුම් ආසියානු සංවර්ධන බැංකුව (ADB) සහ ශ්රී ලංකා රජය අතර අත්සන් කර ඇති බව මුදල්, සැලසුම් සහ ආර්ථික සංවර්ධන අමාත්යාංශය පවසයි.
ඩිට්වා සුළි කුණාටුවෙන් පසු ප්රතිසංස්කරණ හා ජීවනෝපාය සහාය ව්යාපෘතිය 2026 සිට 2030 දක්වා ක්රියාත්මක කිරීමට නියමිත අතර, සුළි කුණාටුවෙන් හානි වූ යටිතල පහසුකම් යළි ගොඩනැගීම, ජනතාවගේ ජීවනෝපායන් යථා තත්ත්වයට පත් කිරීම සහ අනාගත දේශගුණික ආපදාවලට ඔරොත්තු දීමේ හැකියාව ශක්තිමත් කිරීම කෙරෙහි අවධානය යොමු කෙරේ.
මෙම ව්යාපෘතිය යටතේ සුළි කුණාටුවෙන් හානි වූ මාර්ග ප්රතිසංස්කරණය කිරීම, හානි වූ වාරිමාර්ග පද්ධති යථා තත්ත්වයට පත් කිරීම, බලපෑමට ලක් වූ පවුල් සඳහා කෘෂිකාර්මික ජීවනෝපාය සහාය ලබාදීම සහ හානි වූ නිවාස යථා තත්ත්වයට පත් කිරීම සඳහා ආධාර ලබාදීම සිදු කෙරේ.
ප්රවාහන, මහාමාර්ග සහ නාගරික සංවර්ධන අමාත්යාංශය ව්යාපෘතියේ ක්රියාත්මක කිරීමේ ප්රධාන ආයතනය ලෙස කටයුතු කරන අතර, එය ප්රධාන කොටස් තුනක් යටතේ ක්රියාත්මක කිරීමට නියමිතය.
හානි වූ මාර්ග යටිතල පහසුකම් ප්රතිසංස්කරණය කිරීමේ කටයුතු මාර්ග සංවර්ධන අධිකාරිය විසින් සිදු කරන අතර, හානි වූ වාරිමාර්ග පද්ධති යථා තත්ත්වයට පත් කිරීමේ වගකීම වාරිමාර්ග දෙපාර්තමේන්තුව සහ ශ්රී ලංකා මහවැලි අධිකාරිය විසින් දරනු ඇත.
කෘෂිකාර්මික සහාය ලබාදීම ගොවිජන සංවර්ධන දෙපාර්තමේන්තුව විසින් සිදු කරන අතර, බලපෑමට ලක් වූ පවුල් සඳහා නිවාස ආධාර ලබාදීමේ වගකීම ජාතික ආපදා සහන සේවා මධ්යස්ථානයට පැවරී තිබේ.
ණය ගිවිසුම් අඟහරුවාදා (18) කොළඹ භාණ්ඩාගාරයේදී අත්සන් කර ඇති අතර, ශ්රී ලංකා රජය වෙනුවෙන් මුදල්, සැලසුම් සහ ආර්ථික සංවර්ධන අමාත්යාංශයේ ලේකම් හර්ෂණ සූරියප්පෙරුම මහතාත්, ADB වෙනුවෙන් ශ්රී ලංකා නේවාසික කාර්යාලයේ රටේ අධ්යක්ෂ ෂැනන් කොව්ලින් මහත්මියත් ගිවිසුම්වලට අත්සන් තැබූහ.
