අධිවේගී මාර්ගවල ගමන් කිරීමේදී රියදුරන් සහ මගීන් ආසන පටි පැළඳීමේ නීතිය දැනටමත් ක්රියාත්මක වන අතර, මුලින් ආසන පටි සවිකර නොතිබූ පැරණි වාහන සඳහා ලබාදී තිබූ සහන කාලය සැප්තැම්බර් 19 වැනිදා අවසන් වීමට නියමිතය.
ඒ අනුව එදින සිට අධිවේගී මාර්ග භාවිත කරන සියලුම වාහන ආසන පටිවලින් සමන්විත විය යුතු අතර, එම වාහනවල ගමන් කරන සියලුම රියදුරන් සහ මගීන් ආසන පටි පැළඳ සිටීම අනිවාර්ය වේ.
රථවාහන පාලන හා මාර්ග ආරක්ෂණ අධ්යක්ෂ ජ්යෙෂ්ඨ පොලිස් අධිකාරී මනෝජ් රණගල මහතා පැවසුවේ මෙම නීතිය දැඩිව ක්රියාත්මක කරන බවයි. ආසන පටි නොපැළඳ ගමන් කරන පුද්ගලයෙකුට රුපියල් 1,000ක දඩයක් නියම කළ හැකි බවද ඔහු සඳහන් කළේය.
ආසන පටි නොපැළඳ අධිවේගී මාර්ගයේ ධාවනය වන බස් රථවල ගමන් කරන මගීන්ගෙන්ද එම දඩ මුදල අයකර ගැනීමට නීතිමය ප්රතිපාදන පවතින බව ඔහු පැවසීය.
මාර්ග ආරක්ෂාව පිළිබඳ ජාතික සභාවේ සභාපති මංජුල කුලරත්න මහතා සඳහන් කළේ ආසන පටි නොමැති වාහන සඳහා ඒවා සවිකර ගැනීමට ලබාදී තිබූ සහන කාලය සැප්තැම්බර් 19 වැනිදා අවසන් වන බවයි.
2025 සැප්තැම්බර් 25 වැනිදා නිකුත් කරන ලද අංක 2455/29 දරන අතිවිශේෂ ගැසට් පත්රය යටතේ මෙම අවශ්යතාව ක්රියාත්මක කෙරේ.
මාර්ග අනතුරුවලදී ආසන පටි නොපැළඳීම හේතුවෙන් සිදුවන මරණ සංඛ්යාව ඉහළ යමින් පවතින බැවින්, ජීවිත ආරක්ෂා කිරීමේ අරමුණින් මෙම පියවර හඳුන්වා දී ඇති බව පොලිසිය සඳහන් කළේය.
