ශ්රී ලංකා ටෙලිකොම් (SLT) පෞද්ගලීකරණය කිරීම නිර්දේශ නොකරන බව ජාතික ආරක්ෂාව පිළිබඳ ආංශික අධීක්ෂණ කමිටුව පවසයි.
එය ජාතික ආරක්ෂාවට තර්ජනයක් බව පාර්ලිමේන්තු මන්ත්රී සරත් වීරසේකරගේ සභාපතිත්වයෙන් යුත් කමිටුව ප්රකාශ කර තිබෙනවා.
ජාතික ආරක්ෂාව පිළිබඳ ආංශික අධීක්ෂණ කාරක සභාව වැඩිදුරටත් අනාවරණ කළේ මෙම පියවර හරහා ජාතික ආරක්ෂාවට සංවේදී කරුණු හෙළිදරව් විය හැකි බවයි.
මැයි මාසයේ ගැසට් නිවේදනයක් මගින් මුදල්, ආර්ථික ස්ථායීකරණ සහ ජාතික ප්රතිපත්ති අමාත්යාංශයේ විෂය පථය යටතට ගෙන ආ ආයතන කිහිපයක් අතර ශ්රී ලංකා ටෙලිකොම් ද විය.
ශ්රී ලංකා ටෙලිකොම් හි රජය සතු කොටස් 2023 ජුනි 15 ට පෙර ඉවත් නොකරන බවට භාණ්ඩාගාර ලේකම්වරයා මැයි මාසයේදී ශ්රී ලංකා ශ්රේෂ්ඨාධිකරණයට ප්රතිඥාවක් ලබා දුන්නේය.
ශ්රී ලංකා ටෙලිකොම් පීඑල්සී හි නිකුත් කරන ලද කොටස් ප්රාග්ධනයේ 49.50% ක කොටස් භාණ්ඩාගාරය සතුය.