අලි ගජමුතු සොයා ශ්‍රී ලංකාවේ සිදුකළ විශාලතම වැටලීමේදී අලි ගජමුතු 76ක් ළඟ තබාගෙන සිටි සැකකරුවෙකු ඊයේ ඉගිනියාගල ප්‍රදේශයේදී පොලිස් විශේෂ කාර්ය බළකාය විසින් අත්අඩංගුවට ගනු ලැබුවා.
අම්පාර කඳවුරේ විශේෂ කාර්ය බළකායට ලැබුණු බුද්ධි තොරතුරකට අනුව එවැනි ගජමුතු 76ක් ළඟ තබාගෙන සිටි සැකකරු අත්අඩංගුවට ගෙන ඇත.
විශේෂ කාර්ය බළකාය පැවසුවේ, මෙය ඉතිහාසයේ අත්අඩංගුවට ගත් විශාලතම ගජමුතු තොගය බවත්, එක් ප්‍රදේශයකින් අත්අඩංගුවට ගත් විශාලතම ගජමුතු තොගය බවත්ය.
පොලිස් විශේෂ කාර්ය බළකායේ අණදෙන නිලධාරී නියෝජ්‍ය පොලිස්පති වරුණ ජයසුන්දර මහතාගේ උපදෙස් මත මෙම වැටලීම සිදු කර ඇත.
අම්පාර ප්‍රදේශයේ පදිංචි 67 හැවිරිදි සැකකරු වැඩිදුර විමර්ශන සඳහා ඉගිනියාගල පොලිස් ස්ථානය වෙත භාර දීමට කටයුතු කෙරිණි.
