පොලිසිය සඳහන් කළේ, 2025 සැප්තැම්බර් 26 වැනිදා මොරටුව, රාවතාවත්ත ප්‍රදේශයේ පදිංචි කාන්තාවකට අයත් ATM කාඩ්පතක් භාවිත කර ඇගේ අවසරයකින් තොරව මුදල් ලබාගැනීමක් සිදුකර ඇති බවට කොහුවල පොලිස් ස්ථානයට පැමිණිල්ලක් ලැබී ඇති බවයි.
ඒ සම්බන්ධයෙන් සිදුකළ විමර්ශනවලදී සැකකාර කාන්තාව කොහුවල මහජන බැංකු ශාඛාවේ ATM යන්ත්‍රයෙන් අදාළ කාඩ්පත භාවිත කර මුදල් ලබාගෙන ඇති බවට තොරතුරු අනාවරණය වී තිබේ.
ATM යන්ත්‍රයේ CCTV දර්ශන ලබාගෙන ඇති පොලිසිය, සැකකාර කාන්තාව හඳුනාගෙන ඇය සිටින ස්ථානය සොයා ගැනීම සඳහා ඇගේ ඡායාරූප ද ප්‍රසිද්ධ කර ඇත.
සැකකාර කාන්තාව සම්බන්ධයෙන් යම් තොරතුරක් දන්නේ නම් පහත දුරකථන අංක ඔස්සේ පොලිසියට දැනුම් දෙන ලෙස මහජනතාවගෙන් ඉල්ලා සිටී.
කොහුවල පොලිස් ස්ථානාධිපති: 071-8591669
කොහුවල පොලිස් ස්ථානය: 011-2853929
සිද්ධිය සම්බන්ධයෙන් සිදුකෙරෙන විමර්ශන සඳහා සහාය වන ලෙස ද පොලිසිය තොරතුරු දන්නා සියලු දෙනාගෙන් ඉල්ලා තිබේ.
