අනුරාධපුර දකුණු බහුමාධ්ය ප්රවාහන මධ්යස්ථානයේ ඉදිකිරීම් මේ වන විට අවසන් අදියරට පැමිණ ඇති අතර, ව්යාපෘතිය මෙම වසර අවසන් වීමට පෙර නිම කිරීමට අපේක්ෂා කරන බව ප්රවාහන, මහාමාර්ග හා නාගරික සංවර්ධන අමාත්යාංශය පවසයි.
නාගරික සංවර්ධන නියෝජ්ය අමාත්ය එරංග ගුණසේකර මහතා අගෝස්තු 8 වැනිදා එම ව්යාපෘති භූමියේ නිරීක්ෂණ චාරිකාවක නිරත වෙමින් ඉතිරිව ඇති ඉදිකිරීම් කටයුතුවල ප්රගතිය සොයා බැලීය.
2022 වසරේදී ආරම්භ කළ මෙම ව්යාපෘතිය විවිධ අභියෝග හේතුවෙන් පසුව නතර කර තිබූ අතර, නව උපදේශක ආයතනයක සහභාගීත්වයෙන් 2025 වසරේදී ඉදිකිරීම් කටයුතු යළි ආරම්භ කර තිබේ.
අනුරාධපුර ඒකාබද්ධ නාගරික සංවර්ධන ව්යාපෘතිය යටතේ ක්රියාත්මක මෙම ප්රවාහන මධ්යස්ථානය සඳහා රජය සහ ප්රංශ සංවර්ධන ඒජන්සිය එක්ව අරමුදල් සපයන අතර, ව්යාපෘතියේ ඇස්තමේන්තුගත වටිනාකම රුපියල් මිලියන 2,500කි.
බස්රථ හා දුම්රිය සේවා එකම ස්ථානයකින් සම්බන්ධ කරමින් මගීන්ට වඩාත් පහසු සහ කාර්යක්ෂම බහුමාධ්ය ප්රවාහන පහසුකම් සැලසීම මෙම මධ්යස්ථානයේ අරමුණයි.
කෙටි, මධ්යම හා දුරගමන් බස් සේවා පැය 24 පුරා ක්රියාත්මක කිරීමට අවශ්ය පහසුකම් මෙහි ස්ථාපිත කෙරෙන අතර, දුරගමන් බස් රථ සඳහා විශේෂ “Touch & Go” පහසුකමක් ද ඉදිකර තිබේ. එමගින් බස් රථවලට පර්යන්තයේ දිගු වේලාවක් නතර නොවී මගීන් නංවා ගැනීමට සහ බැස්සවීමට හැකි වේ.
මෙම මධ්යස්ථානය හරහා අනුරාධපුරය මුලතිව්, මන්නාරම, ත්රිකුණාමලය, අම්පාර, මඩකලපුව, ගාල්ල, මාතර සහ කොළඹ ඇතුළු ප්රදේශ රැසක් සමඟ සම්බන්ධ කිරීමට අපේක්ෂා කෙරේ.
සම්පූර්ණ වූ පසු මධ්යස්ථානයේ ආරක්ෂක සේවා, ප්රවාහන කළමනාකරණය, පරිපාලන කටයුතු සහ මූල්ය සේවා සඳහා ද අවශ්ය පහසුකම් සලසා තිබෙනු ඇත.
ව්යාපෘතියට සම්බන්ධ නිලධාරීන් සඳහන් කළේ ඉතිරි ඉදිකිරීම් කටයුතු 2026 වසර අවසන් වීමට පෙර සම්පූර්ණ කිරීමට සැලසුම් කර ඇති බවයි.
