ශ්‍රී ලංකා මහ බැංකුව නිකුත් කළ දත්තවලට අනුව, 2026 සැප්තැම්බර් මාසයේදී විදේශගත ශ්‍රමිකයන්ගෙන් ලැබුණු ප්‍රේෂණ ප්‍රමාණය ඇමෙරිකානු ඩොලර් මිලියන 734.4ක් හෙවත් ආසන්න වශයෙන් රුපියල් බිලියන 242ක් ලෙස වාර්තා වී ඇත. එය 2025 වසරේ සැප්තැම්බර් මාසයේදී වාර්තා වූ ඩොලර් මිලියන 695.7ක අගයට වඩා ඉහළ අගයකි.
වසරේ මුල් මාස නවය සඳහා වන සමස්ත දත්ත ද ප්‍රේෂණවල වර්ධනය තවදුරටත් තහවුරු කරයි. ඒ අනුව, 2026 ජනවාරි සිට සැප්තැම්බර් දක්වා කාලය තුළ මෙරටට ලැබුණු සමස්ත විදේශ ශ්‍රමික ප්‍රේෂණ ප්‍රමාණය ඩොලර් මිලියන 6,865.4ක් හෙවත් ආසන්න වශයෙන් රුපියල් බිලියන 2,215.4ක් දක්වා ඉහළ ගොස් තිබේ.
2025 වසරේ එම කාලසීමාව තුළ වාර්තා වූ ඩොලර් මිලියන 5,811.7ක ප්‍රේෂණ ප්‍රමාණය සමඟ සැසඳීමේදී, මෙය ඇමෙරිකානු ඩොලර් අගය අනුව සියයට 18.1ක වාර්ෂික වර්ධනයක් වන අතර, රුපියල් අගය අනුව සියයට 27.4ක ඉහළ යෑමකි.
විදේශගත ශ්‍රමිකයන්ගෙන් ලැබෙන මෙම මුදල් ප්‍රවාහයට අමතරව, සංචාරක ක්ෂේත්‍රයෙන් ලැබෙන විදේශ විනිමය ආදායම ද අඛණ්ඩව රටේ විදේශ විනිමය ඉපැයීම් සහ සමස්ත ආර්ථික ස්ථාවරත්වය පවත්වාගෙන යාමට දායක වෙමින් පවතී.
