ලංකා කම්කරු කොංග්‍රසයේ (සීඩබ්ලිව්සී) මහලේකම් අමාත්‍ය ජීවන් තොණ්ඩමන් පසුගිය ඉරිදා හැටන් නගරයේ පැවැත්වූ ජාතික තෛපොංගල් උත්සවයට දකුණු ඉන්දීය නිළියන් වන අයිශ්වර්යා රාජේෂ්, අයිශ්වර්යා දත්තා, සංයුක්ත මෙනන් සහ මීනක්ෂි (පින්කි සර්කාර්) පැමිණීම සම්බන්ධයෙන් ආන්දෝලනයට තුඩු දී තිබේ. .
ආන්ඩුව කප්පාදු පියවර ප්‍රකාශ කර තිබියදීත් මෙම දකුණේ කලාකරුවන් බදු ගෙවන්නන්ගේ මුදල් භාවිතා කරමින් අනුග්‍රහය දැක්වූයේ දැයි ඔහුගෙන් ප්‍රශ්න කරන ඔහුගේ දේශපාලන විරුද්ධවාදීන්ගේ විවේචනයට ඔහු ලක්ව සිටී.
ඉහළ යන ජීවන වියදම හේතුවෙන් ජනතාව පීඩාවට පත්ව සිටින අවස්ථාවක ජාතික පොංගල් උත්සවය අති සුඛෝපභෝගී ලෙස සැමරීමට තොණ්ඩමන් මහතා කටයුතු කළේ මන්දැයි සමගි ජන බලවේගයේ පස්සර සංවිධායක ලෙට්සුමනර් සංජය අසයි.
නුවරඑළිය දිස්ති‍්‍රක්කයේ පාසල් හැරයාම වැඩිවී ඇති අතර පවුල් රැසක් සාගින්නෙන් පෙළෙමින් සිටිනවා. ජනතාව ඡන්ද ලක්ෂයකට වඩා දීලා පාර්ලිමේන්තුවට යැව්වේ ඒ අයගේ සේවය ලබාගන්න. නමුත් ජීවන් තොණ්ඩමන් මහත්තයා දකුණු ඉන්දීය නිළියන් ගේනවා. සංචාරය සඳහා මුදල් පැමිණියේ කොහෙන්ද? මේ විදියට ජනතා මුදල් නාස්ති කිරීම ගැන ජනතා නියෝජිතයෙක් ලෙස ජීවන් තොණ්ඩමන් අනිවාර්යයෙන්ම පිළිතුරු දිය යුතුයි.”
දකුණු ඉන්දීය නිළියන්ට ආරාධනා කරනවා වෙනුවට දේශීය කලාකරුවන්ට ඒ සඳහා පොළඹවා ගත හැකිව තිබූ බවද ඔහු පැවසීය.
