ශ්රී ලංකාවේ දළ නිල විදේශ සංචිත 2026 ජූලි මාසයේදී ඇමෙරිකානු ඩොලර් බිලියන 6.591ක් දක්වා ඉහළ ගොස් ඇති බව ශ්රී ලංකා මහ බැංකුවේ (CBSL) නවතම දත්ත පෙන්වා දෙයි.
ජූනි මාසය අවසන් වන විට නිල විදේශ සංචිත ප්රමාණය ඇමෙරිකානු ඩොලර් බිලියන 6.458ක් වූ අතර, ඒ අනුව ජූලි මාසය තුළදී සංචිත ඩොලර් මිලියන 133කින් ඉහළ ගොස් තිබේ.
එය පෙර මාසයට සාපේක්ෂව ආසන්න වශයෙන් 2.1%ක වර්ධනයකි.
මේ අතර, ශ්රී ලංකාවේ රන් සංචිතවලද සුළු ඉහළ යාමක් ජූලි මාසයේදී වාර්තා වී තිබේ.
මහ බැංකු දත්ත අනුව, ජූනි මාසයේදී ඩොලර් මිලියන 191ක් වූ රන් සංචිත ප්රමාණය ජූලි මාසයේදී ඩොලර් මිලියන 192ක් දක්වා ඩොලර් මිලියනයකින් ඉහළ ගොස් ඇත.
