ජාත්යන්තර සිවිල් ගුවන් සේවා සංවිධානයේ (ICAO) ප්රමිතීන්ට අනුකූලව වසරක් ඇතුළත ඊ-පාස්පෝට් නිකුත් කිරීම ආරම්භ කිරීමට රජය සැලසුම් කර ඇති බව මහජන ආරක්ෂක අමාත්ය ආනන්ද විජේපාල මහතා ඊයේ පාර්ලිමේන්තුවේදී පැවසීය.
ඔහු සඳහන් කළේ ඊ-පාස්පෝට් පද්ධතිය සඳහා අවශ්ය පොදු යතුරු යටිතල පහසුකම් (PKI) ආරක්ෂක පද්ධතිය මිලදී ගැනීම සඳහා නව ප්රසම්පාදන ක්රියාවලියක් ආරම්භ කර ඇති බවත්, ඒ සඳහා ඉදිරියේදී ටෙන්ඩර් කැඳවන බවත්ය.
සමගි ජන බලවේගයේ පාර්ලිමේන්තු මන්ත්රී මුජිබර් රහුමාන් මහතා යොමු කළ ප්රශ්නයකට පිළිතුරු දෙමින් අමාත්යවරයා පැවසුවේ PKI පද්ධතිය සම්බන්ධයෙන් පැවති අඩුපාඩු හේතුවෙන් මීට පෙර පැවති ප්රසම්පාදන ක්රියාවලිය අවලංගු කිරීමට සිදුවූ බවයි.
මේ අතර, බණ්ඩාරනායක ජාත්යන්තර ගුවන් තොටුපළේ මේ වන විට ඊ-ගේට්ටු හතරක් ස්ථාපිත කර ඇති බවත්, ඊ-පාස්පෝට් හඳුන්වාදීමත් සමඟ ඉදිරි වසර තුළ තවත් ඊ-ගේට්ටු 12ක් ස්ථාපිත කිරීමට සැලසුම් කර ඇති බවත් ඔහු පැවසීය.
නව ‘P’ ශ්රේණියේ විදේශ ගමන් බලපත්රයේ පිටු සංඛ්යාව අඩු කිරීම සම්බන්ධයෙන් යොමු කළ ප්රශ්නයකට පිළිතුරු දෙමින් අමාත්යවරයා සඳහන් කළේ නව විදේශ ගමන් බලපත්රයේ පිටු සංඛ්යාව 64 සිට 48 දක්වා අඩු කර ඇති බවයි.
එම පිටු සංඛ්යාව අඩු කිරීම හේතුවෙන් කිසිදු ගැටලුවක් මතුවී නොමැති බවත්, ශ්රී ලංකා විදේශ ගමන් බලපත්රය ජාත්යන්තර ප්රමිතීන්ට අනුකූල බවත් අමාත්යවරයා වැඩිදුරටත් පැවසීය.
