2048 දක්වා ගෙවීමට ශ්‍රී ලංකාව ඩොලර් මිලියන 36 ක හිඟ විදේශ ණය ඇති බවත් එම කාලය තුළ බලයට පත් වීමට කැමති ඕනෑම අයෙකු ණය ගෙවීමට බැඳී සිටින බවත් ඒ සඳහා සැලසුම් තිබිය යුතු බවත් ප්‍රකාශ කරමින් කැබිනට් ප්‍රකාශක අමාත්‍ය බන්දුල ගුණවර්ධන මහතා පැවසීය.
කිසිදු සැලසුමක් කල්තියා නොමැතිව ජනතාව රවටා කිසිවකු බලයට පත් වුවහොත් සිදුවන්නේ පසුගිය කාලය තුළ රට අත්විඳින ලද ආකාරයටම ජනතාව යළිත් අර්බුදයට පත්කිරීම පමණක් බවද ඔහු සතිපතා පැවැත්වෙන කැබිනට් තීරණ දැනුම්දීමේ මාධ්‍ය හමුවේදී පැවසීය.
“ශ්‍රී ලංකාව ඩොලර් මිලියන 36ක විදේශ ණය හිඟයි. ඉදිරි වසර පහ තුළ කල් පිරෙන්නේ මුළු ණය මුදලින් සියයට 37ක් පමණයි. එයින් සියයට 51ක් ඉදිරි වසර හයත් අවුරුදු විස්සක්ත් අතර කල් පිරෙනවා. සියයට 12 ක් අවුරුදු 20 කට පසුව පවා පරිණත වේ. ඒ නිසා කවුරුහරි රට භාර ගන්න හිතාගෙන ඉන්නවා නම් ඒ අයගේ පාලන කාලය තුළ ගෙවිය යුතු ණය ගෙවන්න බැදී සිටිනවා.‘ යැයිද අමාත්‍යවරයා පැවසීය.
රට භාර ගැනීමට අපේක්ෂාවෙන් සිටින අයට තම පාලන කාලය තුළ ගෙවිය යුතු විදේශ ණය ආපසු ගෙවීමට උපාය මාර්ගයක් තිබිය යුතු බව ඔහු පැවසීය. “ජනතාව රවට්ටලා රට අල්ලගත්තොත්. විදුලිය, ඉන්ධන, ගෑස්, පොහොර සහ අනෙකුත් අත්‍යවශ්‍ය ද්‍රව්‍ය පිළිබඳ තවත් අර්බුදයකට ජනතාව පත්වනු ඇතැයි ඔහු පැවසීය.
