13 හැවිරිදි දැරියකුත් අපයෝජනය කිරීමේ සිද්දියක්, පියා ඇතුළු සැක කරුවන් 11ක් පිළිබඳ විමර්ශන

13 හැවිරිදි දැරියක් අපයෝජනය කිරීමේ සිද්ධියක් නාවලපිටිය ප්‍රදේශයෙන් වාර්තා වී තිබේ.

සිද්ධිය සම්බන්ධයෙන් නාවලපිටිය පොලීසිය සිදුකළ විමර්ශනවලින් පසු කාන්තාවක් සහ පුද්ගලයින් 4 දෙනෙකු අත්අඩංගුවට ගෙන ඇත.

ඒ අතර දැරියගේ පියා ද සිටින බව වාර්තා වේ.

පොලිස් මාධ්‍ය ප්‍රකාශක, ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා සඳහන් කළේ ඒ සඳහා ආධාර අනුබල දුන් කාන්තාවක් ද අත්අඩංගුවට ගෙන ඇති බවය.

කාන්තාව ඇතුළු පුද්ගලයින් 5 දෙනා මේ වනවිට රක්ෂිත බන්ධනාගාර ගතකර ඇති අතර මෙම දැරියව අපයෝජනය කළ තවත් පුද්ගලයින් 6 දෙනෙකු පිළිබඳව තොරතුරු ලැබී ඇති බව පොලීසිය පවසයි.

මේ අතර ගල්කිස්ස ප්‍රදේශයේ 15 හැවිරිදි දැරියක් අන්තර්ජාලය හරහා අලෙවි කිරීම සහ විවිධ පුද්ගලයින් විසින් අපයෝජනය කිරීමේ සිද්ධියක් පසුගියදා වාර්තා විය.

ඒ සම්බන්ධයෙන් පුද්ගලයින් රැසක් අත්අඩංගුවට ගැණුනු අතර ඊට අදාළ පරීක්ෂණ තවදුරටත් ක්‍රියාත්මක වෙමින් පවතී.

Leave a Reply

Your email address will not be published. Required fields are marked *