තමා අත්අඩංගුවට ගෙන රඳවා තබා ගැනීම අභියෝගයට ලක් කරමින් ශ්‍රී ලංකා තොරතුරු තාක්ෂණ සංගමයේ (ITSSL) සභාපති යසිරු කුරුවිටගේ විසින් ශ්‍රේෂ්ඨාධිකරණයට මූලික අයිතිවාසිකම් (FR) පෙත්සමක් ගොනු කර තිබේ.
කුරුවිටගේ 2021 ජුනි මාසයේදී අත්අඩංගුවට ගනු ලැබුවේ පසුගිය වසරේ ජනාධිපති ලේකම් කාර්යාලයේ වෙබ් අඩවියට එල්ල වූ සයිබර් ප්‍රහාරයක් සම්බන්ධයෙන් මතයක් බෙදාගැනීමේ චෝදනාව මතයි.
කුරුවිටගේ සිය පෙත්සමෙන් කියා සිටියේ ජනාධිපති ලේකම් කාර්යාලය ඇතුළු “gov.lk” වෙබ් අඩවිවලට සයිබර් ප්‍රහාර එල්ල කිරීමේ ඇතැම් සිද්ධීන් සම්බන්ධයෙන් විශේෂ මතයක් දැරීම හේතුවෙන් තමන් අත්අඩංගුවට ගත් බවයි.
‘පෞද්ගලිකත්ව නීති’ රටට හඳුන්වාදීමේ ජාතික සංවාදයට ITSSL ක්‍රියාකාරීව සහභාගී වූ අතර පුරවැසියන්ගේ අවශ්‍යතා සඳහා පුද්ගලිකත්ව නීති අවශ්‍ය බව මාධ්‍ය වෙත සහ වෙනත් සංසදවලට අවස්ථා කිහිපයකදී අවධාරණය කළ බව ඔහු පැවසීය.
තමාව අත්අඩංගුවට ගැනීමට හේතුව හෙළි නොකර තමා අත්අඩංගුවට ගත් බව යසිරු කුරුවිටගේ වැඩිදුරටත් පෙන්වා දුන්නේ වගඋත්තරකරුවන් විසින් තමාගේ සිතීමේ නිදහසට ඇති අයිතිය කඩ කළ බවට චෝදනා කරමින්.
අනවශ්‍ය ප්‍රමාදයකින් තොරව තමාව මහේස්ත්‍රාත්වරයා වෙත ඉදිරිපත් කිරීමට රහස් පොලිසිය අපොහොසත් වූ බව හෙළි කළ කුරුවිටගේ, පැමිණිල්ලේ පාර්ශවය විසින් අදාළ පරීක්ෂණ අවසන් වනතුරු රක්ෂිත බන්ධනාගාරගත කරන ලෙසට සාවද්‍ය ඉල්ලීමක් කළ බවටද චෝදනා කළේය.
ITSSL හි සභාපතිවරයා ද චෝදනා කළේ ඔහු ඇප ලබා දී තිබියදීත් රිමාන්ඩ් භාරයේ තබාගෙන සිටියේ ඍණාත්මක PCR පරීක්ෂණයක අවශ්‍යතාවය මත බවයි.
කුරුවිටගේ වගඋත්තරකරුවන් ලෙස පොලිස්පති චන්දන වික්‍රමරත්න, සෞඛ්‍ය සේවා අධ්‍යක්ෂ ජනරාල්, අපරාධ පරීක්ෂණ දෙපාර්තමේන්තුවේ ඩිජිටල් සහ අධිකරණ වෛද්‍ය අංශයේ ස්ථානාධිපති සහ නීතිපතිවරයා නම් කර ඇත.
