සංස්ථාවේ ඉන්ධන තොග අවසන්…
ඉදිරියේ දී ශ්‍රී ලංකාවේ ණයවර ලිපි පිළිනොගතහොත් ඉන්ධන කඳුලක් වත් මෙරටට ගෙන්වා ගැනීමට නොහැකි වනු ඇතැයි පාර්ලිමේන්තු මන්ත්‍රී බන්දුල ගුණවර්ධන මහතා සඳහන් කරයි.
අද රට මුහුණ දී ඇත්තේ දේශපාලන ප්‍රශ්නයකට නොව විශාල ආර්ථික අර්බුදයකට බවත් ඒ සඳහා මුහුණදීමට ජාතික එකඟතාවයකට සියලු දෙනා පැමිණිය යුතු බවත් හෙතෙම පැවසීය.
ඔහු මෙම අදහස් පල කලේ අද දිනයේ පාර්ලිමේ්න්තුව අමතමිනි.
එහිදී පාර්ලිමේන්තු මන්ත්‍රී හර්ෂද සිල්වා මහතා කියා සිටියේ දැනට මේ රටේ ඉතිරි ඩොලර් ප්‍රමාණයෙන් ඉන්ධන නැවක් වගේ බාගන්න බැරි බවයි. ඒ තරමට රට පත්ව ඇතැයි ද හෙතෙම පැවසීය.
මේ අතර ඉන්ධන බෙදුම් කරුවන්ගේ සංගමය සඳහන් කරන්නේ තම ඉන්ධන බවුසර සඳහා ඛනිජ සංස්ථාව ඉන්ධන ලබා දීම ප්‍රමාද කරමින් සිටින බවයි. ඒ බොහෝ දුරට සංස්ථාවේ තෙල් සංචිත අවසන්ව තිබීම නිසා බවත් සංගමයේ සභාපතිවරයා කියා සිටියේය.
