ලහිරු අචින්තගේ ක්රීඩා දිවියට අවශ්ය සියලු පහසුකම් ලබාදෙන බවට ක්රීඩා ඇමතිගෙන් සහතිකයක්

යොවුන් ඔලිම්පික් රිදී පදක්කම්ලාභී ලහිරු අචින්තගේ ක්රීඩා දිවිය ඉදිරියට ගෙන යාම සඳහා අවශ්ය සියලු සහාය සහ පහසුකම් රජය විසින් ලබාදෙන බවට තරුණ කටයුතු හා ක්රීඩා අමාත්ය සුනිල් කුමාර ගමගේ මහතා සහතික වී තිබේ.
නොවැම්බර් 16 වැනිදා තරුණ කටයුතු හා ක්රීඩා අමාත්යාංශයේදී අමාත්යවරයා සහ යොවුන් මලල ක්රීඩකයා අතර පැවති හමුවකදී මෙම සහතිකය ලබා දී ඇත.
මෑතකදී පැවති යොවුන් ඔලිම්පික් ක්රීඩා උළෙලේදී රිදී පදක්කමක් දිනා ගනිමින් ශ්රී ලංකාවට ජාත්යන්තර කීර්තියක් අත්කර දීමට ලහිරු අචින්ත සමත් විය.
එම හමුවේදී අමාත්ය ගමගේ මහතා ක්රීඩකයාගේ ජයග්රහණය සහ ශ්රී ලංකා ක්රීඩාවට ඔහු කළ දායකත්වය ඇගයීමට ලක් කළේය.
අචින්තට සිය පුහුණුවීම් අඛණ්ඩව කරගෙන යාමට සහ ඉදිරි ක්රීඩා ඉසව් සඳහා සහභාගී වීමට අවශ්ය පහසුකම් හා සහාය ලැබෙන බව තහවුරු කිරීම සඳහා අමාත්යාංශය මැදිහත් වන බව අමාත්යවරයා ප්රකාශ කළේය. ලහිරු අචින්තගේ මව සහ පුහුණුකරු ද මෙම හමුවට එක්ව සිටියහ.




