Tuesday, 17 November 2026

ශ්‍රී ලංකාවේ උණුසුම් පුවත් විමසුම

“බියෙන් හෝ සැකයෙන් තොරව ලංකාවේ ආයෝජනය කරන්න” – අශෝක රන්වලගෙන් ජපන් ආයෝජකයන්ට ඇරයුම්

බෙදාගන්න
XWhatsAppTelegramඅදහස්

වත්මන් රජය රට කෙරෙහි විශ්වාසය තහවුරු කර ඇති බව පවසමින්, කිසිදු බියකින් හෝ සැකයකින් තොරව ශ්‍රී ලංකාවේ ආයෝජනය කරන ලෙස ජාතික ජන බලවේගයේ (NPP) පාර්ලිමේන්තු මන්ත්‍රී අශෝක රන්වල මහතා ජපන් ආයෝජකයන්ගෙන් ඉල්ලා සිටී.

ජපන් ආයෝජන යටතේ බලපිටිය ප්‍රදේශයේ ඉදිකරන ලද ‘හුනස් රිවර් හෝටලය’ (Hunas River Hotel) විවෘත කිරීමේ අවස්ථාවට මෑතකදී එක්වෙමින් ඔහු මෙම අදහස් පළ කළේය.

මෙම විවෘත කිරීමේ උත්සවයට ජපන් ආයෝජකයන් පිරිසක් සහ දේශීය ව්‍යාපාරිකයන් පිරිසක් සහභාගී වී සිටියහ.

පාර්ලිමේන්තුවේ හිටපු කථානායකවරයෙකු ද වන රන්වල මහතා ජපන් ආයෝජකයන් ජපන් භාෂාවෙන් ඇමතීම එම අවස්ථාවට එක්ව සිටි පිරිසගේ පැසසුමට ලක්වනු දක්නට ලැබුණි. ආයෝජකයන්ට ශ්‍රී ලංකාව කෙරෙහි විශ්වාසය තැබිය හැකි බවත්, කිසිදු බියකින් හෝ අවිනිශ්චිතතාවකින් තොරව ආයෝජන කටයුතු ඉදිරියට ගෙන යා හැකි බවත් ඔහු රැස්ව සිටි පිරිස හමුවේ ප්‍රකාශ කළේය.

ඔබේ අදහස